ZAKHARIA 4:7 - Sura' Madatu

⁷ Mindarako, e buntu malangka’? Dio tingayona Zerubabel la dadiko padang marante, la natassu’i tu batu daona lu naunnarrak-arrak tu tau, nakua: Salama’, salama’ lako kalena.

ZAKHARIA 4:7 ပူးပေါင်းရင်းမြစ်များ

EZRA 3:10

Iatonna mangkamo naoton mintu’ pande tu parandangan Banua kabusunganNa PUANG, ke’de’mi dio to’ inanna tu mai to minaa ma’pakean pangka’, sitangke tarompe’na sia mintu’ to Lewi, iamotu bati’na Asaf, sitangke taa’-taa’, la umpudi-pudi PUANG susitu napa’patuduan Daud datu to Israel.

PA’PUDIAN 114:4

Iatu mintu’ buntu tibuang len susi domba laki, sia iatu mintu’ tanete ten to anak domba.

PA’PUDIAN 114:6

E kamu buntu, ma’aparokomi ammi tibuang-buang len susi domba laki? Sia e kamu tanete ammi tenra anak domba?

PA’PUDIAN 118:22

Iatu batu natibemo pande, Iamo mendadi batu petau.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 41:15

Tiroi, Kupadadiko panglulluran mataran sia ba’ru, sia mataran patomali; la mulullu’ tu buntu anna manisak sia la mupopendadi ta’pian tu tanete.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

YEREMIA 51:25

Tonganna, la Kuukungko, e buntu, ma’kasanggang, tu ussanggang mintu’ lino, kadanNa PUANG, sia la Kuangka’ tu limangKu unta’paiko sia ullolinko dao mai buntu batu, angKu padadiko buntu pura nalalle api.

MIKHA 1:4

Lolong tu mai buntu diong to’ lentekNa Puang sia menganga tu mai lombok, susito lilin nakande api sia susito sarambu dao mai aa’.

MIKHA 4:1

Sia la dadi, ke allo ma’katampakannai, kumua iatu buntu banuanNa PUANG la bantang butung tu buntu malangka’na mintu’ buntu, sia la layuk untongloi mintu’ tanete, anna mintu’ bangsa lolong sae lako kalena.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

ZAKHARIA 4:8

Saemi tu kadanNa PUANG lako kaleku, Nakua:

ZAKHARIA 4:9

Mangkamo naoton Zerubabel te parandanganna te Banua iate, naia duka la ussundunni, ammi issanni kumua Nasuana’ PUANGna mintu’ ma’dandan maritik lako kalemi.

MATIUS 21:21

Mebalimi Yesu sia Nakua lako tau iato mai: Tonganna tongan Kukua lako kalemi, iake denni kapatonganammi sia tae’ mibata-bata, tae’ nasusinna manna te dipogau’ lako kayu ara ma’din mipogau’ sangadinna iake mikua ungkuanni te buntu: Tiangka’ko ammu tipembuang rokko tasik, tae’ natang dadi.

MATIUS 21:42

Nakuami Yesu lako: Tae’paraka mibasa lenni lan Sura’ madatu kumua: Iatu batu natibe pande, ia bangsiamo mendadi batu petau. Susimoto Napogau’ Puang, na iatu iannato memangngan ke pentirota.

MARKUS 12:10

Tae’raka mibasai te kada iate lan mai Sura’ Madatu kumua: Iatu batu natibe pande mendadi batu petau;

LUKAS 20:17

Apa mentiro Yesu lako tinde tau, Nakua: Na apa battuananna te kada iate disura’: Iatu batu natibe mintu’ pande, mendadi batu petau?

LUKAS 3:5

Mintu’na lombok la dibumbun sia mintu’na tanete na buttu-buttu la dirantei, sia iatu ma’lekko-lekkona la dipakalolo, sia iatu tang marantena la dirantei,

PENGGAURANNA RASULU’ 4:11

Iatu Yesu iamora batu misayu kamu pande, mendadimo batu parandangan.

ROMA 11:6

Apa iake tete dioi pa’kamasean, tae’mo ia natete dio penggauran tolino, belanna iake tete dioi penggauran, tangiamo pa’kamasean tu pa’kamasean.

EFESUS 2:20

tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.

1 PETRUS 2:7

Iamoto iatu kamu ma’patonganna mipakeangga’, apa iatu tang ma’patonganna napatu te kada iate: iatu batu natibe pande, ia bangsiamo mendadi batu petau,

KADA OMBO’ LAKO RASULU’ YOHANES 16:20

Na mintu’na lebukan sabu’mo, sia iatu mintu’ buntu tae’mo dikita.