ZAKHARIA 4:4 - Sura' Madatu

⁴ Mebalimo’ lako tu malaeka’ kusipa’kadan kukua: O puang, apara battuananna te?

ZAKHARIA 4:4 ပူးပေါင်းရင်းမြစ်များ

EZRA 5:2

Ke’de’mi tu Zerubabel, anakna Sealtiel, sia Yesua, anakna Yozadak, anna parandukki umbangunni tu banuanNa Puang Matua, tu unnisung lan Yerusalem; na iatu nabinNa Puang Matua untundui tu tau iato sola duai.

DANIEL 12:8

Kurangi sia tu iannato, apa tae’ kupebuyu’i angku ma’kada kukua: O puang, umbara la nakua kasundunanna te apa iate?

ZAKHARIA 1:19

Mekutanamo’ lako malaeka’, tu kusipa’kadan, kukua: Apara battuananna te? Ma’kadami lako kaleku nakua: Iamote tu tanduk umpatisambo’ Yehuda sia Israel sia Yerusalem.

ZAKHARIA 1:9

Mekutanana’ kukua: Apara battuananna te mintu’ te, o puangku? Mebalimi tu malaeka’ kusipa’kadan nakua: La kupakitangko tu battuananna te mintu’na te.

ZAKHARIA 4:5

Mebalimi tu malaeka’ kusipa’kadan nakua: Tae’raka mutandai apara battuananna te? Ma’kadamo’ kukua: Tae’ kutandai, puang.

ZAKHARIA 5:6

Mekutanamo’ kukua: Apara to? Mebalimi naku: Iamoto tu misa’ epa, tu tassu’ totemo. Ma’kada pole’omi nakua: Susito tu rupanna lan lu mintu’ tondok.

ZAKHARIA 6:4

Mekutanamo’ lako tu malaeka’ kusipa’kadan kukua: Apara battuananna te, puang?

MATIUS 13:36

Undinnato, Nasuami Yesu male tu to buda, anNa male lako banuanNa. Saemi tu anak gurunNa lako Kalena sia nakua: Pokadangkan battuananna tu pa’pasusian pare-pare dio uma.