ZAKHARIA 3:9 - Sura' Madatu

⁹ Tonganna iatu batu, tu Kupadio tingayona Yosua – dio misa’ batu iato, nanii pitu mata –, Aku kalena la ussura’i tu sura’na, kadanNa PUANGna mintu’ ma’dandan maritik, sia sangallori la Kunii umputtai tu kakadakeanna tondok iate.

ZAKHARIA 3:9 ပူးပေါင်းရင်းမြစ်များ

1 DATU 1:20

Apa totemo, o puangku, iatu matanna mintu’ to Israel mentiro lu lako kalemi, kumua ammi paissanni, minda tu la unnisungi kapayungammi la ussondakomi.

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

PA’PUDIAN 103:12

Pada sikambelanna matallo anna matampu’, pada duka mambelanna to Nanii Puang umpatoyangi dio mai kaleta tu salata.

PA’PUDIAN 118:22

Iatu batu natibemo pande, Iamo mendadi batu petau.

KATASSURAN 28:11

Susi garaganna passura’ parimata, iamotu susi garaganna passura’ parimata peca’, la mupesuan ussura’i tu mintu’ sanganna to Israel dao tu da’dua batu parimata; sia la mupesuan ussa’pi’i bulaan.

KATASSURAN 28:21

Mintu’ parimata iate la situru’ tu sanganna anakna Israel, la sangpulo dua pada bilanganna sanganna; la disura’ susi panggaraga parimata peca’; iatu apa la disura’ lan la situru’ tu sanganna sangpulo dua sukunna to Israel simisa’-misa’i.

KATASSURAN 28:36

Sia la unggaragaiko makota bulaan massang sia sura’i lan susi passura’ peca’: Dipamaindanan PUANG.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YEREMIA 31:34

Attu iato iatu tau iato mai sia iatu mai to massiulu’ pada tae’mo nala siadaran, nakua: La mitandai tu PUANG!, belanna mintu’ tu tau iato mai la untandaiNa’ randuk dio mai tarru’ bitti’na sae lako tarru’ kapuana, kadanNa PUANG, belanna la Kupa’dei tu mintu’ kakadakeanna sia iatu mintu’ kasalan tae’mo Kula ungkilalai.

YEREMIA 50:20

Allo iato sia attu iato, kadanNa PUANG, la didaka’ tu kakadakeanna Israel, apa tae’, sia iatu kasalanna Yehuda, apa tae’ diapparan, belanna la Kupagarri’ kasalanna minda-minda tu Kupopa’elo’napa la torro.

ZAKHARIA 13:1

Allo iato la tibungka’ tu misa’ kalimbuang lako bati’na Daud sia to lan Yerusalem la umbasei sia usseroi kasalan.

ZAKHARIA 3:4

Ma’kadami tu Malaeka’ iato sia nakua lako tu tau iato mai, tu bendan dio oloNa: Lossokanni dio mai kalena tu pakean mariga. Mangkato ma’kadami lako Yosua, Nakua: Kupa’dei tu kakadakeammu dio mai kalemu, angKu pakeiko pakean pa’gauran.

ZAKHARIA 4:10

Belanna mindara tu untapa’ allo nanii bitti’pa tu mintu’ apa? Manassa la parannu penaanna tu tau iato mai, ke natiroi tu batu petimbang lan lu limanna Zerubabel. – Iate pitu apa iate iamotu matanNa PUANG tu umpenunu mintu’ lino tiku lao.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

PENGGAURANNA RASULU’ 4:11

Iatu Yesu iamora batu misayu kamu pande, mendadimo batu parandangan.

ROMA 9:33

Susitu disura’ nakua: Tiromi, Kupalan Sion tu misa’ batu katitodoan sia misa’ buntu batu ma’pamatana’, naminda-minda umpatonganni tae’ nala kasirisan.

2 KORINTUS 1:22

Ia dukamo mangka untodingki’ sia umpa’ba’gian Penaa tama penaanta butung pa’petamben.

2 KORINTUS 3:3

Dadi iatu kamu, manassa sura’Nakomi Kristus, buanna pentoeangki, tu disura’ tang tinta, sangadinna penaanNa Puang Matua matontongan, tangngia lako papan batu, sangadinna lako batu ba’tangna tolino.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

1 YOHANES 2:2

sia Iamo dadi pemala’ usseroi mintu’ kasalanta, sia tangia kasalanta manna, sangadinna kasalanna duka mintu’ issinna lino.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.