ZAKHARIA 3:2 - Sura' Madatu

² Apa ma’kada tu PUANG lako deata bulituk, nakua: Nagarrakko PUANG, e deata bulituk, ondongpi PUANG, tu mangka umpilei langsa’ Yerusalem, la unggarrakko. Tae’raka na iate tu misa’ lalotin disintak lan mai api?

ZAKHARIA 3:2 ပူးပေါင်းရင်းမြစ်များ

2 OSSORANNA DATU 6:5

Randuk dio mai allo Kunii ussolan taungKu sun lan mai tondok Mesir, tae’ Kupilei langsa’i tu misa’ kota dio lu mintu’ suku Israel, la dinii umbangunni tu misa’ banua, kumua anna nii sangangKu lan, sia tae’ra Kupilei langsa’i tu misa’ tau, kumua anna ia dadi arungna taungKu, to Israel;

2 OSSORANNA DATU 6:6

sangadinna totemo Kupilei langsa’mo tu Yerusalem, la nanii sangangKu dio sia Kutonno’ bua kayumo tu Daud, kumua anna ia undatui taungKu, to Israel.

PA’PUDIAN 109:31

Belanna la bendan dio to’ kananna to mase-mase, la ullendokanni dio mai tu to umpasalai.

YESAYA 7:4

ammu kuanni kumua: Ma’penandakomi sia parapa’i tu penaammi; da mimataku’ sia da naranggang tu penaammi diona te da’dua lalotin merambu, iamora kare’dekanna kasengkeanna Rezin sola mintu’ to Aram sia anakna Remalya.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.

ZAKHARIA 1:17

Pa’peissanan tarru’i, mukua: Inde sia tu kadanNa PUANGna mintu’ ma’dandan maritik, Nakua: Iatu mintu’ kotaKu la sebo pole’ tu melona, sia la Napakatanapa PUANG tu Sion sia Napilei langsa’pa tu Yerusalem.

ZAKHARIA 2:12

Attu iato la Naala PUANG tu Yehuda la Napomana’ dao padang maindan sia iatu Yerusalem la Napilei langsa’ dukapa.

MARKUS 1:25

Nasarabaimi Yesu, Nakua: Ma’loko-lokoko sia tassu’ko lan mai tau iate!

MARKUS 9:25

Tonna tiroi Yesu tu to buda sirampun dio to’ inan iato, Nasarabaimi tu deata masussuk sia Nakua lako: E deata mamang sia taru, Kusuako mallai dio mai kalena, sia da’mo mutama pole’ sule.

LUKAS 22:32

apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

LUKAS 4:35

Nasarabaimi Yesu, Nakua: ma’loko-lokoko, pallaiko dio mai kalena. Nasongkammi deata masussuk tinde tau lan tangnga-tangngana tau, namane sun lan mai, tae’ bangra napatumba-tumbai.

LUKAS 9:42

Iatonna la saemo napandasami deata masussuk napopa’lisu sarongi. Apa Nasarabai Yesu tu deata masussuk, Napamalekei tu pia, Namane umbenni ambe’na sule.

YOHANES 13:18

Ia sia Kuma’kada tangia diona kamu sola nasang, belanna Aku te Kutandai minda tu Kupilei. Apa dikuari anna sundun tu lanna Sura’ Madatu, tu Nakua: Iatu to Kusolan kumande, untitti kambutu’na unneaNa’.

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

ROMA 8:33

Mindara la umpasala to Natonno’ Puang Matua? Anna Puang Matua Ia umbilang maloloi.

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

YUDAS 1:23

sia sintakki tu tau iato mai lan mai to’ api ammi pamakarimmanni; na lako tu senga’na la matangkinkomi ungkamasei, sia la mikagi’gi’ tu tamangkale naruttakki kamoraian pa’kalean.

YUDAS 1:9

Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.