ZAKHARIA 2:8 - Sura' Madatu

⁸ Belanna, inde sia tu kadanNa PUANGna mintu’ ma’dandan maritik, tu kamala’biranNa ussuana’, diona mintu’ bangsa, tu mangka umpangrampaikomi – belanna minda-minda tu urrumbukomi, iamo urrumbu mata taunNa –,

ZAKHARIA 2:8 ပူးပေါင်းရင်းမြစ်များ

KADADIAN 20:6

Ma’kadami tu Puang Matua lako kalena lan tindo: Kuissan sia kumua bannang pute tu penaammu mangka umpogau’i to, sia mangkamoko Kugagai umpogau’ kasalan lako kaleKu, iamoto angKu tang untangga’ko urrumbui tu baine iato.

2 DATU 24:2

Nasuami PUANG tu surodadu to Kasdim sia surodadu to Aram sia surodadu to Moab sia surodadu to Amon la ullaoi Yoyakim; iatu tau iato mai Nasua Puang la ullaoi Yehuda sia ussanggangi, susi kadanNa PUANG tu Napokada nalopian taunNa, iamotu mintu’ nabi.

PA’PUDIAN 17:8

Karimmannina’ butung to mata tau; sia rerungna’ diong to’ pani’Mi.

SARAMBU PEADA’ 7:2

Karitutui tu mintu’ pepasanku, anna melo katuoammu, sia karitutui tu pangadarangku, susi lise’ matammu.

YESAYA 49:19

Belanna iatu tembo’ ro’pokmu sia tondok sanggangmu sia padang talomu – apa totemo si’pi’mo tu tau umpa’tondokkiko, sia mintu’ tu to umbala’-bala’ko la toyang mambela dio mai kalemu.

YEREMIA 12:14

Inde sia tu kadanNa PUANG, Nakua: Iatu mintu’ to kadake tu nasikandappiran Yehuda, tu ullaoi mana’ Kukamasean taungKu Israel, la Kusintak lan mai tondokna, sia iatu mintu’ to Yehuda la Kusintak lan mai tangngana tau iato mai.

YEREMIA 27:7

Sia mintu’ bangsa la mengkaola lako kalena sia lako anakna sia lako ampona sae lako nalambi’na attunna tu tondok iato la natalo ba’tu pira-pira bangsa matoto’ sia datu kapua.

YEHEZKIEL 25:12

Inde sia tu kadanNa PUANG, Nakua: Belanna iatu to Edom napangannan penaa bang tu to Yehuda sia umpogau’ kadakena lako, sia napapassanni tanggungan magasa belanna napabala’i tu tau iato,

YEHEZKIEL 25:15

Inde sia tu kadanNa Puangta PUANG, Nakua: Belanna iatu to Filistin nanannan bang randang tu to Yehuda sia umpogau’ kadakena lako, belanna umpabala’i gau’na to Yehuda situang pa’telle-telle, tu umpamapallai sia pasaburan bang tete dio kasiualian tontong sae lakona,

YEHEZKIEL 26:2

E ma’rupa tau, belanna napokadamo Tirus tu diona Yerusalem kumua: Napallakmo to! tessemo pole’ tu ba’bana mintu’ bangsa; iatu ba’ba umpatuna’ tibungka’ sia; belanna sanggangmo tu kota iato, iamoto nasebo kuappa’.

YEHEZKIEL 26:20

attu iato la Kupopengkalaoko sola tau iato mai, tu mengkalao rokko panglamunan umpengkara’pai nene’ to dolona; la Kupatorroko diong lino to mate diong to’ batu manisak dolo-dolona, sola tu to mengkalaomo rokko panglamunan, dikua damo ammu dipa’tondokki len, sia damo ammu malimbangun sule lan lino to tuo.

YEHEZKIEL 35:5

Belanna mupatontong bang tu kasiualian sia musorong tu to Israel lako pa’dang ma’kande pu’pu’, tonna lambi’mi attu kasangganganna, tonna ma’katampakannamo diukung tu kakadakeanna,

YEHEZKIEL 36:11

La kupamakamban tu tau sola patuoan untongkonnikomi, anna memba’ka’ sia membati’, la Kupakaissikomi susito allo mangka diboko’ sia la Kukamaseikomi tu mipomelona losong na iatonna dolona, ammi tandai kumua Akumo tu PUANG.

YEHEZKIEL 38:11

La ma’kadako kumua: la ke’de’na’ untamai misa’ tondok, tu kampong manna, la ullaoina’ to rapa’, tu to torro manaman, iamotu mintu’ kampong tang dirinding tembo’, tang disalli’ sia tae’ babanganna;

YEHEZKIEL 38:14

Iamoto, ma’nubua’ko, e ma’rupa tau, sia ma’kadako lako Gog, mukua: Inde sia tu kadanNa Puangta PUANG, Nakua: Tae’raka musa’ding tu attu, nanii torro manaman to Israel, taungKu?

AMOS 1:11

Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

AMOS 1:9

Inde sia tu kadanNa PUANG, Nakua: Belanna tallu tu kapatodo-tintinganna Tirus, ondongpi belanna a’pa’, iamoto natae’ Kula undampai to. Belanna mangkamo nasorong tu mintu’ pa’tondokan lako Edom sia tae’ nakilalai tu basse kasiuluran,

MIKHA 4:11

Moi totemo budamo tu bangsa sirampun unneako, tu ma’kada nakua: Da’ito namatuna, sia naporai matanta mentiro lako Sion!

MIKHA 5:6

Sia iatu to torronapa Yakub la dio lu ba’tu pira-pira budanna bangsa sangtinti ambun dio mai PUANG, sangtinti uran kamban dao lu taruk maluna, tu tang untayan tolino ba’tu umpeagi rupa tau.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

HABAKUK 2:17

Belanna iatu kamasa’garan mupogau’ dao Libanon la ungkabu’ko sia iatu kaussabuirammu olo’-olo’ la umpatirambanko, napobua’ rarana tolino tu tibollo sia kamasa’garan, tu diparampoan tondok, kota sia mintu’ pa’tondokanna.

HABAKUK 2:8

Belanna mangkamoko umpangrampai buda bangsa, ia toda tu torronapa bangsa iato la umpangrampaiko, tu belanna rarana tolino tu tibollo sia belanna kamasa’garan, tu diparampoan tondok, kota sia mintu’ pa’tondokanna.

ZEFANYA 2:8

Kurangimo tu pelo’bona Moab sia pebe’sena to Amon, tu nalo’boan taungKu sia tu napokapua penaanna unnea lili’na.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

ZAKHARIA 2:9

Nakua: Manassa la Kupakedo tu limangKu lako tau iato mai, anna pangrampai tu to mengkanorong lako kalena. Attu iato la mitandai, kumua mangkamo’ Nasua PUANGna mintu’ ma’dandan maritik.

ZAKHARIA 8:5

Sia dio duka lu tana lapang kota iato la ponno tu pia muane sia pia baine maningo.

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

MATIUS 25:45

La mebali tu Datu, sia ma’kada lako tu tau kumua: Tonganna tongan Kukua mati’, kumua tumba tu tang mipogau’na lako misa’i te to makario-rio iate, tae’ duka naden tu mipogau’na lako Kaleku.

YOHANES 14:26

Apa iatu Panglalan iamotu Penaa Masallo’, tu la Nasua Ambe’ tete dio sangangKu. Iamo la unnada’ikomi tu mintu’nato sia la umpakilalakomi tu mintu’na mangkanna Kupokadangkomi.

YOHANES 17:18

Susi Kamu ussuaNa’ tama te lino, susi dukamoto tu Aku ussuai tama lino.

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

PA’TOLE 32:10

Nakabu’tuimi lan padang pangallaran, lan padang lo’bang, tu nanii burungna padang aak. Ia ungkampai sia umpalan penaai, Ia ungkaduttu’i susito mata taunNa.

2 TESALONIKA 1:6

Apa Nasanga Puang Matua malambu’ ke dipabala’i kadipakario-rioan lako tu to umpakario-riokomi,

1 YOHANES 4:14

Sia kami te untiromi angki katottongi, kumua mangkamo Nasua Ambe’ tu Anak mendadi To pakarimmananna te lino.