ZAKHARIA 2:7 - Sura' Madatu

⁷ Madoi’komi, lendokangkomi kalemi lako Sion, e kamu, tu torro sikandappi’ anak dara Babel.

ZAKHARIA 2:7 ပူးပေါင်းရင်းမြစ်များ

KADADIAN 19:17

Iatonna solammi sun, ma’kadami tu misa’ nakua: Pallaiangko kalemu ke la ungkatirinnaiko katuoammu; da ammu messaile len sia da ammu torro len lan lili’na Padang; mallaiko langngan buntu, da ammu sabu’.

YESAYA 47:1

Mengkalaoko ammu unno’ko’ diong to’ barra’-barra’, e lolosu kandaurena anak dara Babel. Diongko padang unno’ko’ tang ma’isungan, e anak dara Kasdim, belanna tae’mo anna la ussangako tau baine dipamo’le’ sia dipasolle’.

YESAYA 48:20

Tassu’komi lan mai Babel, mallaikomi dio mai to Kasdim; sikumalasilasiangkomi umpa’peissananni, sia umpa’perangianni sia umpatale’i sae lako randan langi’, kumua: Narampanammo PUANG tu Yakub, taunNa.

YESAYA 52:11

Ke’de’komi, ke’de’komi, tassu’komi dio mai; da mirumbui lako tu apa maruttak, tassu’komi lan mai tondok iato, seroi kalemi, e kamu to umbulle pareaNa PUANG.

YESAYA 52:2

Tambakki tu barra’-barra’ dio mai kalemu, maiko ammu unno’ko’, e Yerusalem, e anak dara Sion, tu dirampa.

YEREMIA 50:8

Mallaikomi lan mai Babel sia tassu’komi lan mai tondok to Kasdim sia la susikomi domba laki tu undoloan domba ma’baanan.

YEREMIA 51:45

E mintu’ taungKu, tassu’komi lan mai, ammi pantan umpallaian katuoammi dio mai kare’dekanNa PUANG.

YEREMIA 51:6

Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.

MIKHA 4:10

Malimukku-mukkuko sia melallakko, e anak dara Sion, susito manguria’; belanna totemo la tassu’ko lan mai kota, ammu torro dio lu padang sia la rampoko lako Babel. Inde to dio la dinii urrampanangko; inde to dio la Nanii PUANG ullendokangko lan mai limanna ualimmu.

KADIBILANGAN 16:26

Ma’kadami lako kasirampunan nakua: Soro’komi dio mai tendana te muane tang mekaaluk sia da len ammi kaka’i tu mintu’ apanna, kumua da midipisanni sola, natumang mintu’ kasalanna.

KADIBILANGAN 16:34

Iatu mintu’ to Israel, tu ullilingi, mallaimo, tonna rangimi tu pelallakna tau iato mai, belanna nasanga, kumua: Naampello’ dukaki’ manii te padang.

PENGGAURANNA RASULU’ 2:40

Budapa tu kada senga’ nanii untonganni sia umpakilalai tu tau nakua: Pa’benganni tu kalemi dikarimmanni dio mai te to leko’ penaanna.

KADA OMBO’ LAKO RASULU’ YOHANES 18:4

Kurangi polemi misa’ gamara senga’ dao mai langi’ nakua: Mallaikomi dio mai kalena, e taungKu, da ammi perapii tu mintu’ kasalanna, sia da anna pada urruakomi kamaparrisanna;