ZAKHARIA 2:13 - Sura' Madatu

¹³ Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.

ZAKHARIA 2:13 ပူးပေါင်းရင်းမြစ်များ

2 OSSORANNA DATU 30:27

Mangkato bendanmi tu mintu’ to minaa, bati’na Lewi, anna passakkei tu to buda; na iatu gamaranna Narangi PUANG; iatu passambayangna tau iato mai landa’ langngan inan maindanNa, dao suruga.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

PA’PUDIAN 68:5

Penanianni tu Kapenomban, pakendekanni pa’pudian tu sanganNa, ranteanni batattaNa tu To ma’kareta dio lu padang alla’; iatu sanganNa digente’ PUANG, ammi lo’dok to kaiyangan dio oloNa.

PA’PUDIAN 78:65

Attu iato malima’ka’mi tu Puang sangtinti to pana’ding, sia ten pa’barani napakapua uai anggoro’ tu penaanna.

YESAYA 14:2

Iatu to Israel la nasolan ba’tu pira-pira bangsa, nasolan lako inanna, anna potaui to Israel tu tau iato mai dio padangna PUANG, la napokaunan la muane la baine anna rampai tu to mangka urrampai dolona sia anna posua-suanni tu to mangka ussua-suai.

YESAYA 19:16

Allo iato iatu to Mesir la sangtinti baine; la ma’parondo sia ungkataku’ lima tie’te’Na PUANGna mintu’ ma’dandan maritik, tu Nae’teran tau iato mai.

YESAYA 41:1

Kappakomi miperangiiNa’, e mintu’ biring tasik, sia la umba’rui kamatotoranna tu mintu’ bangsa; melo ke saei tu tau iato mai anna ma’kada; melo ke pada-padaki’ tama pa’paolaian salu.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.

YESAYA 63:15

Pata’paKomi matamMi dao mai suruga sia tiroi lan mai inan maindan mala’bi’Mi. Umbamira tu kamakaritutuamMi sia penggauran matoto’Mi? Tang lattu’ lako kaleku tu karantangan buaMi sia kamamaseamMi?

YEREMIA 25:30

La ma’nubua’ko umpokadanni tau iato mai te mintu’ kada iate, kumua la sumadang tu PUANG dao mai masuanggana sia la umpemandui gamaranNa dao mai isungan maindanNa; la sumadang-madang unggarrakki tu pangleonNa; la unnarrakki mintu’ tu untongkonni kuli’na padang, susi arrakna to manglullu’ bua angoro’.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

ZEFANYA 2:9

Iamoto, la lelukraka tuoKu, kadanNa PUANGna mintu’ ma’dandan maritik, Kapenombanna Israel, tonganna iatu Moab la dadi susi Sodom, sia iatu to Amon la susi Gomora, iamotu padang nanii a’da’ sia nanii pangkalian sia, sia padang lo’bang sae lakona. Iatu torronapa tu taungKu, la urrampai tu tau iato mai na iatu sesanna sangpetayanangKu la umpomana’i.

ZEFANYA 3:8

Iamoto, tayanNa’, kadanNa PUANG, to allo la Kunii ke’de’ unnala pangrampa; belanna mangkamo Kura’ta’ la urrampunni tu bangsa sia umpulungi tu kadatuan, sia umbarrakanni tu kare’dekan ara’Ku lako tau iato mai, iamotu mintu’ kasengkean dukkungKu, belanna api kamangimburuangKu la umpurai nakande tu mintu’ kuli’na padang.

ZAKHARIA 4:9

Mangkamo naoton Zerubabel te parandanganna te Banua iate, naia duka la ussundunni, ammi issanni kumua Nasuana’ PUANGna mintu’ ma’dandan maritik lako kalemi.

ZAKHARIA 6:15

Iatu to mambela la sae umbangunni tu Banua kabusunganNa PUANG, ammi tandai, kumua PUANGna mintu’ ma’dandan maritik ussuana’ lako kalemi. Iate iannate la dadi, ke miperangii sia mipalan penaai tu kadanNa PUANG, Kapenombammi.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

ROMA 9:20

Apa aku pissan mekutanana’: E tolino, mindako la umbali Puang Matua? Ma’dinraka tu apa ditampa la ma’kada lako to untampai kumua: Ma’apari ammu tampa susira’ te?

PA’TOLE 18:21

Iake ma’kadako lan penaammu, kumua: Umbara kikua untandai kada, tu tang Napokada PUANG? –

PA’TOLE 18:22

Iake ma’kadai tu misa’ nabi tete dio sanganNa PUANG, anna tae’ nadipalanda’ tu kadanna sia tae’ nabuai, manassa apa iato misa’ kada tang Napokada PUANG. Matampo penaanna tu nabi iato, anna pokadai tu iannato, da mukataku’i tu nabi iato.

PA’TOLE 26:15

Pemarangai dao mai isungan maindanMi, dao mai suruga, sia pamasakkei tu taumMi Israel, sia tondok tu mangka Misorong lako kaleki, – susitu Miallu’ Mipalaoi sumpa lako nene’ to doloki – iamotu misa’ tondok sebo pangandu’ sia tani’ enoan.