ZAKHARIA 2:12 - Sura' Madatu

¹² Attu iato la Naala PUANG tu Yehuda la Napomana’ dao padang maindan sia iatu Yerusalem la Napilei langsa’ dukapa.

ZAKHARIA 2:12 ပူးပေါင်းရင်းမြစ်များ

2 OSSORANNA DATU 6:6

sangadinna totemo Kupilei langsa’mo tu Yerusalem, la nanii sangangKu dio sia Kutonno’ bua kayumo tu Daud, kumua anna ia undatui taungKu, to Israel.

ESTER 6:13

Nauleleanmi Haman lako Zeresh, bainena sia lako mintu’ sangmanena tu mintu’ apa dadi lako kalena. Ma’kadami tu mintu’ to paissan-issanna sia Zeresh, bainena, lako nakua: Iake bati’ to Yahudi tu Mordekhai, tu dio tingayona minii randuk talo, manassa tae’mo mibelai la unneai, sangadinna inang la talo tarru’mokomi dio tingayona.

PA’PUDIAN 105:15

Nakua kadanna: Da mirumbui lako tu mati’ to mangka Kutokko, sia da mipogau’ kadakena lako mintu’ nabingKu!

PA’PUDIAN 132:13

Belanna Napilei langsa’mo PUANG tu Sion, sia Naturo ta’bamo la Nanii torro.

PA’PUDIAN 132:14

Iamote tu inan matontongangKu sae lakona, sia indemote tu la Kunii reso’, belanna mangkamo Kuturo ta’ba.

PA’PUDIAN 135:4

Belanna Napilean langsa’mo Kalena PUANG tu Yakub, sia Natonnoran bua kayumo tondon to batangNa tu Israel.

PA’PUDIAN 33:12

Maupa’ tu bangsa umpoKapenomban PUANG, iamotu to sangpetayanan mangka Napilei langsa’ Napotau misa.

PA’PUDIAN 82:8

Ke’de’Komi, o Puang Matua, paolaimi salunna te lino, belanna poissanMi tu mintu’ bangsa.

YESAYA 14:1

Belanna Nakaturu-turui PUANG tu Yakub sia la tontong Natonno’ tu Israel sia la Napatorro lan tondokna; anna iatu to salian lembang la menturu’ lako to Israel sia la mareke’ lako rapunna Yakub.

YESAYA 17:14

Iake makaroenni inang manassa den katirambanan, anna iake tae’pi natilalek masiang, pa’demi tu tau iato mai. Iamote tu serongna to mangka umpanglo’do’iki’ sia dalle’na mintu’ to umpangrampaiki’.

YESAYA 41:9

Tu Kuala dio mai randan langi’ sia Kutambai dio mai lelean uran, angKu kuai lako: Ikomo taungKu, ikomo tu Kupilei langsa’ sia tae’ Kusa’biangangko.

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

YEREMIA 30:16

Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.

YEREMIA 51:19

Apa tae’ nasusito tu taana Yakub; Iamo To kumombongna sanda mairi’ sia Israel tu Garonto’ mana’Na; iamo digente’ PUANGna mintu’ ma’dandan maritik.

ZAKHARIA 1:17

Pa’peissanan tarru’i, mukua: Inde sia tu kadanNa PUANGna mintu’ ma’dandan maritik, Nakua: Iatu mintu’ kotaKu la sebo pole’ tu melona, sia la Napakatanapa PUANG tu Sion sia Napilei langsa’pa tu Yerusalem.

ZAKHARIA 3:2

Apa ma’kada tu PUANG lako deata bulituk, nakua: Nagarrakko PUANG, e deata bulituk, ondongpi PUANG, tu mangka umpilei langsa’ Yerusalem, la unggarrakko. Tae’raka na iate tu misa’ lalotin disintak lan mai api?

PA’TOLE 32:10

Nakabu’tuimi lan padang pangallaran, lan padang lo’bang, tu nanii burungna padang aak. Ia ungkampai sia umpalan penaai, Ia ungkaduttu’i susito mata taunNa.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.