ZAKHARIA 2:11 - Sura' Madatu

¹¹ Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

ZAKHARIA 2:11 ပူးပေါင်းရင်းမြစ်များ

PA’PUDIAN 72:17

Sangapaoi anna tontong sae lakona tu sanganna, ondongpi, ke den siapi tu allo, la maupa’ tu sanganna. Tete dio kalena anna marudindin tu mintu’ bangsa, sia la nasanga kumua rongko’ ia.

KATASSURAN 12:49

Misa’ri atoranna tu pa’tondokan sia to sae.

YESAYA 45:14

Nakua kadanNa PUANG: Iatu bunga rangka’na to Mesir, sia balukanna to Etiopia – to Syeba, to kalando kapua, la sae lako kalemu ammu potaui; la undiko narundu’ tau iato mai; tau iato mai la sae situang pungo anna tukku menomba dio tingayomu sia mengkamoya nakua: Kamu mannari tu Narondong Puang Matua tae’ senga’na, tae’ tu Kapenomban senga’.

YESAYA 48:16

Mengkareke’komi sola nasang lako Kaleku, ammi perangii te: Inang tae’ Kubuni tu apa Kupokada tempon dio mai; iatonna dadi to mai inang denMo’. Totemo Nasuana’ Puangta PUANG sola PenaanNa;

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

YESAYA 52:11

Ke’de’komi, ke’de’komi, tassu’komi dio mai; da mirumbui lako tu apa maruttak, tassu’komi lan mai tondok iato, seroi kalemi, e kamu to umbulle pareaNa PUANG.

YESAYA 66:19

La Kupaden misa’ tanda dio lu tau iato mai sia mintu’ tu to tilendokmo la Kusua lako mintu’ bangsa – iamotu lako Tarsis, Pul sia Lud, to ma’pana, lako Tubal sia Yawan, sia lako mintu’ randan tasik mambela, tu tae’ lenpa narangi karebangKu sia tae’pa natiro kamala’birangKu –, anna tau iato mai umpatale’i tu kamala’birangKu dio lu mintu’ bangsa.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 50:8

Mallaikomi lan mai Babel sia tassu’komi lan mai tondok to Kasdim sia la susikomi domba laki tu undoloan domba ma’baanan.

YEHEZKIEL 33:33

Apa ianna rampomo tu iannato – tonganna inang la rampo – maneri natandai tau iato mai, kumua denmo misa’ nabi lan lu tangngana.

MIKHA 4:2

Sia buda to sangpetayanan la ke’de’ male anna ma’kada nakua: Maikomi anta male langngan buntunNa Puang, langngan banuanNa Kapenombanna Yakub, anNa ada’iki’ diona mintu’ lalanNa sia anta olai tu mai lalanNa, belanna lan mai Sion la nanii bu’tu tu Sukaran aluk sia iatu kadanNa lan mai Yerusalem.

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

ZAKHARIA 3:10

Attu ia dukato, kadanNa PUANGna mintu’ ma’dandan maritik la pada mitambai tu solami diong lu garonto’ anggoro’ sia diong lu garonto’ saitun.

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.

ZAKHARIA 8:8

La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

YOHANES 17:21

kumua anna mendadi misa’ sola nasangi, susi Kamu lan Kaleku, o Ambe’, sia Aku lan Kalemi, anna mendadi misa’ duka lan Kaleta, anna patonganni issinna te lino, kumua Kamu ussuaNa’.

YOHANES 17:23

LanNa’ kalena sia Kamu lan Kaleku, kumua anna sundun kasiturusanna; anna issanni issinna te lino kumua kamumo tu ussuaNa’, sia umpakaboro’i tu tau iato susi Aku Mipakaboro’.

YOHANES 17:25

O Ambe’ malolo, moi anna tae’ natandaiKomi issinna te lino, apa Aku KutandaiKomi, sia naissanmo te tau iate kumua Kamu tu ussuaNa’.

PENGGAURANNA RASULU’ 28:28

Iamoto la miissan kumua iate kamakarimmanan lu dio mai Puang Matua diparampo lako to kapere’; tau iamoto mai tu la umperangii.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.