ZAKHARIA 14:4 - Sura' Madatu

⁴ Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

ZAKHARIA 14:4 ပူးပေါင်းရင်းမြစ်များ

2 SAMUEL 15:30

Kendekmi tu Daud unnola mennaa’na buntu Saitun tumangi’ lolanan, sia mellullung sia lumingka tang ma’lapik lentek; sia mintu’ tu tau nasolan mellullung sia tuka’ situang tangi’na.

YEHEZKIEL 11:23

Kendekmi tu kamala’biranNa PUANG lan mai tangnga kota, anna torro dao buntu dio rampe matallona kota.

YEHEZKIEL 38:20

La ma’parondo dio oloKu tu mai bale lan lu tasik sia manuk-manuk dao lu langi’, olo’-olo’ dio lu padang sia mintu’ olo’-olo’ mendonglo’, tu menono’ dao kuli’na padang sia mintu’ tolino, tu tuo dao kuli’na padang; mintu’ buntu la tuan, mintu’ aa’ mi’lan la umbanasa sia mintu’ rinding tembo’ la ro’pok.

YEHEZKIEL 43:2

Tonganna denmi sae tu kamala’biranNa Kapenombanna Israel lu dio mai rampe matallo, sia den oni susito ongngo’ uai buda na iate lino naarrangi kamala’biranNa.

HABAKUK 3:6

Ke’de’Mi anNa patigega’i te lino; mentiro tiku lao anNa patike’kenni tu mintu’ bangsa, mintu’ buntu tempon dio mai bake, sia mintu’ tanete dolo-dolona tuan; iatu mintu’ lalan dolo-dolona, lalanNa Puang.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

ZAKHARIA 14:7

ondongpi iatu iannato la mennallo bangmo – tu kaissanan lako PUANG – tu tangia allo sia tangia bongi; apa ianna makaroenmo, la masero.

ZAKHARIA 14:8

Allo ia dukato ba’tu pira-pira kalimbuang boba la lolong lan mai Yerusalem, sesena la lu lako tasik rampe matallo na iatu sesena la lu lako tasik rampe matampu’; moi anna pealloan, moi anna attu madingin la dadi susito.

ZAKHARIA 4:7

Mindarako, e buntu malangka’? Dio tingayona Zerubabel la dadiko padang marante, la natassu’i tu batu daona lu naunnarrak-arrak tu tau, nakua: Salama’, salama’ lako kalena.

MARKUS 11:23

Tonganna tongan, Kukua mati’, minda-minda tu ma’kada lako te buntu kumua: Tiangka’ko ammu tipemparrak rokko tasik! natae’ nabata lan penaanna sangadinna nakatappa’i kumua la dadi tu napokadanna, manassa dadi duka tu napokadanna.