ZAKHARIA 13:9 - Sura' Madatu

⁹ Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 13:9 ပူးပေါင်းရင်းမြစ်များ

2 SAMUEL 7:24

Mangkamo Mipatontong tu taumMi Israel la Mipotau sae lakona na Kamu, o PUANG tu Kapenombanna tau iato mai.

AYUB 23:10

Belanna Naissan Puang, umba nakua tu lalan penggaurangku; iake Nasudina’ tassu’na’ susito bulaan.

AYUB 28:1

Den duka tu padang nanii tau umpabu’tu salaka, sia inan tu nanii tau unnembong bulaan;

PA’PUDIAN 144:15

Maupa’ tu bangsa ten to tu a’ganna, sia maupa’ tu bangsa umpoKapenomban PUANG!

PA’PUDIAN 43:4

Angku rampo lako to’ kapemalaranNa Puang Matua, lako Puang Matua, tu oto’na kaparannuan sia kasendeangku, angku ma’katapi umpudiKomi, o Puang Matua, o Kapenombangku!

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

SARAMBU PEADA’ 17:3

Iatu pa’paredean dinii umpatama salaka sia po’poran dinii umpatama bulaan, apa PUANG ussudii tu mintu’ penaa.

PA’TENDENG BALLO 2:16

Iatu andi’ pa’kaboro’ku aku puangna na iatu aku ia puangna, tu mangkambi’ lan lu to’ danga-danga,

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

YESAYA 48:10

Kusa’pomoko, apa tang susi ussa’po salaka; Kusudimoko lan panglallangan kamaparrisan.

YESAYA 58:9

Iammu metamba, la nabaliko PUANG; iammu mengkamoya lako, la Nakuangko: Inde siaNa’. Iammu patoyangi dio mai kalemu tu mintu’ ayoka pa’pakario-rio sia pa’dullu-dullu sia kada pelo’bo,

YEREMIA 24:5

Inde sia tu kadanNa PUANG, Kapenombanna to Israel, Nakua: Susite bua ara melo, susi dukato la Kutiro tu mintu’ to dipali’ dio mai to Yehuda tu la napomelona, tu Kupalele dio mai inan iate lako tondok to Kasdim.

YEREMIA 30:22

Attu iato kamu la dadi taungKu na Aku la dadi Kapenombammi.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YEREMIA 32:38

Iatu tau iato mai la dadi taungKu na Aku dadi Kapenombanna.

YEREMIA 9:6

Indete tu nanii sitoppo’-toppo’ pa’pakario-rio sia sitombon-tombon pa’pakena; tae’ namorai tu tau iato mai untandaiNa’, kadanNa PUANG.

YEHEZKIEL 11:20

Anna turu’i tau iato mai tu apa Kupondok sia nakaritutui tu atorangKu sia napogau’i, anna mendadi taungKu tu tau iato mai, angKu dadi Kapenombanna.

YEHEZKIEL 14:11

kumua damo namemboko’ tu to Israel dio mai Kaleku, sia damo naruttakki kalena untengkai atorangKu. Iake susito iatu tau iato mai la dadi taungKu na Aku la dadi Kapenombanna, kadanNa Puangta PUANG.

YEHEZKIEL 20:38

Sia la Kusarakki dio mai kalemi tu to pabali-bali sia iatu to unneaNa’; la Kutassu’i duka lan mai tondok nanii mentiruran, apa tae’ nala tama tondok Israel. Ammi issanni, kumua Akumo tu PUANG.

YEHEZKIEL 36:28

La torrokomi lan tondok mangka Kukamasean nene’ to dolomi, angKu potaukomi, na Aku mipo Kapenomban.

YEHEZKIEL 37:27

Iatu inanKu la dio tau iato mai; la napoKapenombanNa’ tu tau iato mai sia la Kupotau.

DANIEL 11:35

Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

YOËL 2:32

La dadi kumua minda-minda tu meongli’ ussa’bu’ sanganNa PUANG, iamo la dikarimmanni. Belanna dao buntu Sion sia dio Yerusalem la den katilendokan, susitu mangka Napokada PUANG; sia iatu naala bilanganna to tilendok, iamo la Natambai PUANG.

SURA’ KATOMINAAN 26:12

apa la Kusalongikomi sia la dadiNa’ Kapenombammi, angKu potaukomi.

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

ZAKHARIA 8:8

La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.

PENGGAURANNA RASULU’ 2:21

Attu iato minda-minda tu ussa’bu’ sanganNa Puang, iamo la dikarimmanni.

IBRANI 8:10

Belanna iamote tu basse la Kutananan mintu’ to lan banuanna Israel, undinna dio mai attu iato, kadanNa Puang: la Kupatama tangnga’na tu mintu’ parentaKu, sia la Kusura’ duka lan penaanna, sia Aku la napoKapenomban, sia ia la Kupotau.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

1 PETRUS 4:12

E pa’kaboro’ku, da mikamangngai tu kadipakario-rioan maparrang tu rampo ussudikomi, butung misa’ apa makalaen-laen urruakomi,

KADA OMBO’ LAKO RASULU’ YOHANES 21:7

Na iatu to patalo la umpomana’ mintu’ apa iate; Akumo la mendadi Puang Kapenombanna na ia la Kupoanak.

KADA OMBO’ LAKO RASULU’ YOHANES 8:10

Iatu malaeka’ ma’pentallunna umpannoni tarompe’ puana, naronno’ dao mai langi’ misa’ bintoen kapua, dukku susi bia’, iatu bintoen iato, nai’pinni tu sangtaa tallunna mintu’ salu sia mintu kalimbuang.

KADA OMBO’ LAKO RASULU’ YOHANES 8:11

Iatu bintoen iato disanga Apsintus, nasangtaa tallunna mintu’ uai mendadi apsantin; budami tau mate napobua’ uai iato, belanna mapai’mo.

KADA OMBO’ LAKO RASULU’ YOHANES 8:12

Iatu malaeka’ ma’penna’pa’na umpannoni tarompe’ puana, anna sanggangi tu sangtaa tallunna mata allo sia sangtaa tallunna bulan sia sangtaa tallunna mintu’ bintoen, kumua anna malillin tu sangtaa tallunna sia da namarorrong sangtaa tallunna masiang, sia bongi susi dukato.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.

KADA OMBO’ LAKO RASULU’ YOHANES 8:8

Iatu malaeka’ ma’penduanna umpannoni tarompe’ puana, butung to misa’ buntu kapua nakande api dipembuangan tama tasik; iatu tasik sangtaa tallunna mendadi rara;

KADA OMBO’ LAKO RASULU’ YOHANES 8:9

Sia matemi sangtaa tallunna tu mintu’ apa kepenaa lan tasik; sia tallan sangtaa tallunna tu mintu’ kappala’.