ZAKHARIA 13:8 - Sura' Madatu

⁸ Lan lu mintu’ tondok, kadanNa PUANG, duang taanna tu la disabu’i sia la ka’tu sunga’na, apa iatu sangtaanna la torro lan tondok.

ZAKHARIA 13:8 ပူးပေါင်းရင်းမြစ်များ

YESAYA 6:13

Ke denpi taa sangpulona lan, la disanggangi dukapa. Ten to kayu tarpin sia jati dilemponni, den siapa tu garempongna, susi dukamoto tu garempongna tau iato mai, iamo misa’ banne masero.

YESAYA 66:24

La sun tu tau iato mai sia la natiro tu batang rabukna mintu’ to sorong boko’mo dio mai Kaleku; belanna iatu ulli’na tae’ nala mate sia iatu apinna tang la pa’de, sia la dadi misa’ apa napomataku’ mintu’ ma’rupa tolino.

YEREMIA 30:11

Belanna Kurondongko, kadanNa PUANG, angKu rampanangko; belanna la Kusabu’i tarru’ tu mintu’ bangsa, tu Kunii untale’ko, apa iko tae’ Kula ussabu’i tarru’ko, sangadinna la Kupa’dikkiko sitinayanna, moi natae’ Kupopa’elo’nako tang diukung.

YEHEZKIEL 20:38

Sia la Kusarakki dio mai kalemi tu to pabali-bali sia iatu to unneaNa’; la Kutassu’i duka lan mai tondok nanii mentiruran, apa tae’ nala tama tondok Israel. Ammi issanni, kumua Akumo tu PUANG.

YEHEZKIEL 5:12

Sangtaa tallummi la mate nabaa ra’ba biang sia la narabunni karorian dio lu tangngami; na sangtaa tallummi la songka nakande pa’dang; na sangtaa tallummi pole’o la Kuambo’ lako mintu’ matanna angin sia la Kunonok tu pa’dang dio boko’na tau iato mai.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

AMOS 9:10

Mintu’ tu to kasalan dio lu taungKu la mate nakande pa’dang, tu ma’kada nakua: Da mipopengkareke’i tu kasanggangan sia da mipasitammukan tu iannato.

ZEFANYA 3:12

Sia la Kupatorro dio lu kalemi tu mai to mase-mase sia to bitti’ sia iatu mai to umpentilindungi sanganNa PUANG.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MATIUS 22:7

Sengkemi tinde datu, nasuai tu surodadunna ummangsanni tu mintu’ to papatean sia umballai tu kotana.

MARKUS 13:20

Iakenna tae’ Napakadomi’i Puang to attu iato, inang tae’mo tau misa’ duka la dikarimmanni; apa belanna mintu’ tu to ditonno’, tu mangka Natonno’, napoulangi Napakadomi’ to attu iato.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.