ZAKHARIA 13:7 - Sura' Madatu

⁷ E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

ZAKHARIA 13:7 ပူးပေါင်းရင်းမြစ်များ

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

YESAYA 1:25

La Kupasuleikomi limangKu sia la Kulossokki soda tu tai bassimmu samaseromu tongan sia mintu’ tumarra la kualai dio mai kalemu.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

YEREMIA 47:6

A’a sangapapira mumane torro, e pa’dangna PUANG? Sulemoko tama banuammu; la torromoko ammu rapa’.

YEHEZKIEL 21:28

Na iko, e ma’rupa tau, ma’nubua’ko sia ma’kadako kumua: Inde sia tu kadanNa Puangta PUANG diona to Amon sia diona pelo’bona; ma’kadako mukua: E pa’dang, tinonokmoko la ma’tinggoro, diasamoko la papatean, sia la pandillak-dillak

YEHEZKIEL 21:3

sia ma’kadako lako tondok Israel, kumua: Inde sia tu kadanNa PUANG: Manassa la Kulaoiko! La Kunonok tu pa’dangKu sia la Kusabu’i tu to malambu’ sia to tang mekaaluk dio lu kalemu.

YEHEZKIEL 37:24

Na Daud, taungKu, tu la undatui sia misa’mora to mangkambi’ tu la ungkambi’i sola nasangi. Anna turu’i tu apa Kupondok sia la nakaritutui sia la napogau’ tu atorangKu.

YEHEZKIEL 7:6

Rampomo tu katampakanna; iatu katampakanna rampomo! Malimbangummo la urrampoiko. Tiromi, rampomo!

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

ZAKHARIA 11:11

Susimoto tu apa iato dipoka tonna allo iato; susi dukamoto iatu makario-riona dio lu mintu’ domba, tu umpalanna’ penaa, unnissanni, kumua iamote tu kadanNa PUANG.

ZAKHARIA 11:4

Inde sia tu kadanNa PUANG, Kapenombangku, Nakua: Kambi’i tu mintu’ domba la ditunu.

ZAKHARIA 11:7

Iamoto kukambi’i tu mintu’ domba la ditunu – iamo napobannang to namakario-rio dio lu mintu’ domba angku alai tu tekken da’dua, misa’ kusangai Pa’kaboro’na iatu misa’ Pa’pori, susimoto kunii ungkambi’i tu tuntunan iato.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

MATIUS 10:42

Sia minda-minda tu umpairu’i moi anna sangirusanri uai sakke’ te to bongko iate, tu belanna anak guru sanganna, tonganna tongan Kukua mati’, tae’ nala pa’de len tu poleanna.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 18:14

Ten dukamoto tu Ambe’mi dao suruga tae’ dio tu pa’poraian kumua anna sanggang misa’ te to bongko iate.

MATIUS 26:31

Nakuami Yesu ungkuanni: La mo’dongkomi sola nasang tu diona Aku te bongi iate, belanna den disura’ kumua: la Kubamba tu to manglaa, anna sisaraksarak tu domba sangtun- tunan.

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

MARKUS 14:27

Nakuami Yesu ungkuanni: La mo’dong penaakomi sola nasang, belanna den disura’ kumua: La kubamba tu to mangkambi’, anna sisarak-sarak tu mintu’ domba.

MARKUS 14:50

Male nasangmi mallai tu anak gurunNa, untampeI.

LUKAS 12:32

Da mimataku’ e to tang pira, belanna mangkamo Napondok Ambe’mi umbengan ParentaNa lako kalemi.

LUKAS 17:2

Iake susinna naditoke’i batu parandangan tu barokona, nadipembuangan tama tasik, melo sia ia lako kalena to na iake untumangi misa’ te to baitti’!

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

YOHANES 10:30

Iatu Aku na Ambe’ misa’ bangsiari.

YOHANES 10:38

Apa iake kupogau’i, patonganni tu pengkarangan iato, moi natae’ mipatonganNa’, anna sakerangngan-rangnganna miissan sia mikatonganni kumua lan KaleKu tu Ambe’ sia Aku lan Ambe’.

YOHANES 14:1

Da miparossoi tu penaammi; patonganNi tu Puang Matua, sia patongan dukaNa’!

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

YOHANES 16:15

Mintu’na tu apanna Ambe’, ia dukamo apangKu; iamoto angKu kua: Naala dio mai apangKu, anNa pa’peissananni lako kalemi.

YOHANES 16:32

Tiromi, attunnamo, ontongpi nalambi’mo attunna, kumua la dipasisarak-sarak simisa’komi lako to’ inanmi ammi sitampeiNa’ misa-misa; apa tae’ angKu misa-misa, belanna NarondongNa’ Ambe’.

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

YOHANES 8:58

Nakuami Yesu uangkuanni: Tonganna tongan Kukua mati’: Tae’pa naden tu Abraham, angKu inang Denmo.

PENGGAURANNA RASULU’ 2:23

Iamotu disorong situru’ tanan penaanNa sia paissanNa tempon Puang Matua, mangkamo mia’ta’ sia mipatei napata’pai lima to tang mekaaluk.

ROMA 4:25

tu mangka disorong belanna kasalanta sia dipamalimbangun belanna la umbilang maloloki’.

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

GALATIA 3:13

Mangkamoki’ Nala’bak Kristus dio mai tampak ropu Sukaran aluk, apa Ia mendadi tampakan ropu belanna kita, belanna nakua lan sura’: Tampak ropu lako mintu’ to titoke’ dao kayu.

FILIPI 2:6

tu moi anNa pada Ia a’ganNa Puang Matua, apa diona tu kapada-tandeanNa Puang Matua tae’ nasangai misa’ apa la nala’ka’I,

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

1 PETRUS 5:4

Sia iake bu’tumi undinna tu Pangulu to mangkambi’ iato, la miappa’ tu makota kamala’biran tang la malayu len.

1 YOHANES 2:2

sia Iamo dadi pemala’ usseroi mintu’ kasalanta, sia tangia kasalanta manna, sangadinna kasalanna duka mintu’ issinna lino.

KADA OMBO’ LAKO RASULU’ YOHANES 1:11

nakua: Apa-apa tu mutiro, sura’i lan misa’ sura’, ammu pakatui lako pitu kombongan, iamotu lako Efesus, sia Smirna, sia Pergamus, sia Tiatira, sia Sardis, sia Filadelfia na Laodikia.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

KADA OMBO’ LAKO RASULU’ YOHANES 1:8

Akumote tu Alfa sia Omega, kadanNa Puang Kapenomban, tu Den, sia inang Den tempon dio mai, sia la saeMo, Iamotu Umpoissan angge maritik.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

KADA OMBO’ LAKO RASULU’ YOHANES 21:6

Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.