ZAKHARIA 13:2 - Sura' Madatu

² Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

ZAKHARIA 13:2 ပူးပေါင်းရင်းမြစ်များ

1 DATU 22:22

Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang Nakua: Manassa la munaran sia mubela umpogau’i to; malemoko, mupogau’i.

PA’PUDIAN 16:4

Sitodon tampomo tu kamaparrisanna, to umpengkanorongi (deata) senga’! Nokana’ untedokki tu mai rara napenomban tau iato mai, ba’tu ussa’bu’i randan dipudukku tu sanganna.

KATASSURAN 22:13

Iake tisepak-sepakki, la nabaa napotanda sa’bi, na iatu tisepakna tae’mo na la ussondai.

KATASSURAN 23:13

Iatu mintu’ apa Kupokada lako kalemi la mikanana’i; iamotu tae’ muma’din la ussa’bu’ sanga deata senga’, da natassu’ len dio pudukmu to.

YESAYA 2:18

Mintu’ dipa’deatainna la pa’de nasang.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

YEREMIA 29:23

Belanna mangkamo umpogau’ kabagan mesirisan dio lu to Israel sia sigau’ sala bainena solana sia umpokada kada tang tongan tete dio sangangKu, tu tae’ Kupepasananni lako tau iato mai. Tonganna Aku unnissanni sia ussa’bii, kadanNa PUANG.

YEHEZKIEL 12:24

Belanna la tae’mo tu patiro mendeata balle sia pa’biangan ma’papusa dio lu to Israel.

YEHEZKIEL 13:23

Iamoto tae’mo mila untiro patiro mendeata pa’pakena sia tae’mo mila ma’biangi; la Kurampanan tu taungKu lan mai limammi, ammi tandai kumua Akumo tu PUANG.

YEHEZKIEL 14:9

Iake denni misa’ nabi dipetobagai la umpokada kada, Kupetobagai tu nabi iato sia la Kue’te tu limangku la unneai sia la Kuurakki lan mai tangngana taungKu, Israel.

YEHEZKIEL 30:13

Inde sia tu kadanNa Puangta PUANG, Nakua: Manassa la Kusanggang tu mintu’ rapang-rapang dipodeata sia Kuputtai tu kapenomban tang tongan dio mai Memfis; sia tae’mo tu to Mesir la dadi arung. Sia la Kuparampoi kamatakuran tu tondok Mesir,

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YEHEZKIEL 36:29

La Kulendokangkomi dio mai mintu’ kamaruttakammi sia la Kutambai sae tu gandung, angKu popemba’ka’i sia tae’mo nala urrampoikomi karorian.

YEHEZKIEL 37:23

Tae’mo anna ruttakki rapang-rapang dipodeatanna tu kalena sia apa megallianna sia mintu’ kapatodo-tintinganna, sangadinna la Kurampanan tu tau iato mai dio mai kamembokoranna, tu napobannang kasalan, sia la Kupamasero, naurunganni iatu tau iato mai Kupotau na Aku napoKapenomban.

YEHEZKIEL 43:7

Sia ma’kada tu Puang lako kaleku, Nakua: E ma’rupa tau, iamote tu inan nanii isungan kapayungangKu sia inan pala’ lette’Ku, tu la Kunii torro dio lu to Israel tontong sae lakona; tae’mo nala urruttakki to Israel tu sanga madatungKu, la tau iato mai, la iatu mai datunna napobua’ gau’ salana sia napobua’ batang rabukna datunna tau iato mai’ ke matemi.

YEHEZKIEL 6:6

Umba-umba tu munii torro, la disabu’i tu mintu’ kota sia la dipopempadang talo tu inan madao, anna disanggang tu inan pemalarammi sia tang dipoinaamo, iatu pa’deatammi ditesse-tesse sia disabu’i, iatu inan pemalaran pantunuan dupami dile’to-le’to sia iatu panggaraga limammi la diro’pok-ro’pok.

HOSEA 14:8

Tau iato mai, tu torro umpentionganni, natananni pole’ gandung. Ondongpi la menta’bi susitu garonto’ anggoro’, nakalelean susito uai anggoro’ Libanon.

HOSEA 2:17

Iake allo iato la sibasseNa’ tu olo’-olo’ dio lu padang napomeloi tau iato mai, sia iatu manuk-manuk dao lu langi’ sia olo’-olo’ mendonglo’ dao kuli’na padang. Attu iato la Kule’to tu pana sia pa’dang sia mintu’ pa’buno lan tondok, angKu patorro marampa’i tu tau iato mai.

HOSEA 2:19

La Kupotumaiko tete dio kamarurusan, ammu tandai tu PUANG.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

ZEFANYA 2:11

La masarrang tu PUANG lako tau iato mai, belanna la Napisanni tu mintu’ deatanna kuli’na padang, anna dio oloNa la nanii tukku menomba tu mintu’ bangsa dio mai tondok ma’biring tasik’ pantan lu dio mai inanna.

MATIUS 12:43

Apa ianna sunmo tu deata masussuk lan mai tau, sumayomi dio lu padang rangke sia undaka’ pelayoan, apa tae’ nakabu’tui.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

LUKAS 11:20

Apa iake pa’tunduanna siamo Puang Matua, angKu rambai deata, inang manassa nalambi’mokomi tu ParentaNa Puang Matua.

PA’TOLE 12:3

La mirondon tu mintu’ inan pemalaranna sia la mitesse tu mintu’ batu dipodeatanna sia la miballa tu mintu’ lentong kayu dipodeatanna sia la milelleng tu rapang-rapang dipodeata dipa’na sia la miputtai tu sanganna dio mai inan iato.

PA’TOLE 18:20

Apa iake den misa’ nabi umpamadao penaanna la umpokada misa’ kada tete dio sangangKu, tu tang Kusua umpokadai, ba’tu ma’kada tete dio sanganna kapenomban senga’ – manassa nabi iato la mate.

YOSUA 23:7

Da misikadamak tu bangsa torropa misisolan sia da misa’bu’i tu sanganna deatanna sia da mipalao sumpa tete dio sanganna sia da mipengkaolai ba’tu tukku umpenombai.

KADA OMBO’ LAKO RASULU’ YOHANES 18:2

Melallakmi umpekapuai gamaranna nakua: Ro’pokmo, ro’pokmo tu tondok Babel kapua sia naniimo tonang mintu’ deata bulituk, sia nanii pentirerunganna mintu’ deata masussuk, sia pa’kurunganna manuk-manuk maruttak sia dikagi’gi’na.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.