ZAKHARIA 11:9 - Sura' Madatu

⁹ Mangkato ma’kadamo’ kukua. Tae’mo kula ungkambi’komi, iatu to la mate, nake matei, iatu la diratoinna, nake diratoi, na iatu torronapa nake pada ungkande duku’ solana.

ZAKHARIA 11:9 ပူးပေါင်းရင်းမြစ်များ

YEREMIA 19:9

La Kupakande dukapa duku’ anakna muane sia anakna baine tu tau iato mai; pada la ungkande duku’na solana lan kapu’duran sia kapussakan, tu nalaoanni ualinna sia napapussakanni to undaka’ lalan la ungka’tu sunga’na.

YEREMIA 23:33

Iake mekutanai te to buda iate ba’tu misa’ nabinna ba’tu misa’ to minaanna lako kalemu, kumua: Passanan tengko apara Napokada PUANG? la mukua lako tau iato mai: Kamumo tu passanan sia Aku la untua’komi, kadanNa PUANG.

YEREMIA 23:39

iamoto, manassa la Kuangka’komi sia la Kutua’komi dio mai oloKu, sola tu kota mangka Kubenkomi sia Kuben nene’ to dolomi,

YEREMIA 43:11

La sae anna taloi tu tondok Mesir; minda-minda tu dilampak mate, la mate, minda-minda tu dilampak dipali’, la dipali’, minda-minda tu dilampak nakande pa’dang, la nakande pa’dang.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

ZAKHARIA 13:8

Lan lu mintu’ tondok, kadanNa PUANG, duang taanna tu la disabu’i sia la ka’tu sunga’na, apa iatu sangtaanna la torro lan tondok.

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

MATIUS 21:19

Iatonna kitami tu ara sangto’ dio biring lalan, laomi lako, natae’ bang apa misa’ duka Nakabu’tui dio kayu iato, sangadi daunna manna. Nakuami ungkuanni: Damo mumembua len sae lakona! Ta’pa malayu bangsiami tinde kayu ara.

MATIUS 21:43

Iamoto Kukua mati’, kumua iatu ParentaNa Puang Matua la diala dio mai kalemi, anna disorong lako bangsa la umpabu’tui tu buanna.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

YOHANES 8:21

Nakua pole’omi Yesu lako tau iato mai: Aku te la maleNa’, sia la midaka’Na’, sia la mate situangkomi kasalammi, apa iatu inan la Kunii male, tae’ mibelai ullambi’i.

YOHANES 8:24

Iamoto angKu kua mati’ kumua, la mate situangkomi kasalammi, belanna iake tae’i mipatonganni kumua Akumote, la mate situangkomi kasalammi.

KADA OMBO’ LAKO RASULU’ YOHANES 22:11

Iatu to kelok, da’ito napatarru’i umpogau’ kakelokanna, sia iatu to maruttak, da’ito anna samaruttak-ruttakna; na iatu to malambu’, dai’to napatarru’i umpogau’ kamalamburan; na iatu to masallo’ da’ito anna sadipamasallo’-sallo’na.