ZAKHARIA 11:5 - Sura' Madatu

⁵ Iatu tau unnallii untunui, apa nasanga tae’ nasala’; iatu tau umbalukanni ma’kada nakua: Mintu’ kadipudian lu lako PUANG, belanna sugi’mo’; iatu mintu’ to mangkambi’na tae’ ungkasayangi.

ZAKHARIA 11:5 ပူးပေါင်းရင်းမြစ်များ

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

NEHEMIA 5:8

angku ma’kada lako kukua: Mintu’ siulu’ta, iamotu to Yahudi, tu mangka dibaluk lako to kapere’, kila’bakmo sitinaya pakulleki; apa iatu kamu mibaluk tu siulu’mi, na iatu tau iato mai umbaluk kalena lako kaleki! Kappami tu tau iato mai sia tang naissan mebali.

YEREMIA 2:3

Attu iato iatu Israel Napamarimbangan PUANG, sia iamo bunga’ bura padangna; minda-minda la ungkandei la dipasala sia la narampoi kamandasan, kadanNa PUANG.

YEREMIA 50:7

Iatu tau iato mai napurai nakande mintu’ to unnapparanni sia nakua tu mintu’ ualinna: Tae’ kisala, belanna kasalammo tu tau iato mai lako PUANG, tu inanna kamaloloan, ondongpi lako PUANG, pa’rannuananna nene’ to dolona.

YEHEZKIEL 34:10

Inde sia tu kadanNa Puangta PUANG, Nakua: Manassa la Kulaoi tu to mangkambi’ iato! La Kutuntun tu mai dombaKu dio mai limanna, sia la Kupasoro’ mangkambi’. Iatu to mangkambi’ tae’mo anna ungkambi’ kalena, sia la Kurampanan tu dombaKu lan mai sadangna, naurunganni tae’mo napokandei tau iato mai.

YEHEZKIEL 34:21

Belanna miparussunni sa’demi sia palempengmi tu tang nabelanna sia mipaserokki tandukmi sae lako miula’ lako salian,

YEHEZKIEL 34:6

Iatu mai dombaku pusa dao lu mintu’ buntu sia dao lu mintu’ tanete madao; sia tisambo’-sambo’ tu mai dombaku dao te kuli’na padang, na moi misa’ tau tae’ bang umpoinaai, ba’tu undaka’i.

HOSEA 12:8

Iatu Kanaan – lan lu limanna tu timbangan ma’pakena, ia umpogau’ pakira-kira.

HOSEA 12:9

Apa ma’kada tu Efraim nakua: Tonganna, sugi’mo’, na iatu kasugirangku daka’kumo; iatu mintu’ daka’ku, tae’ nadiappa’ tu kakadakean dio kaleku, tu disanga kasalan.

AMOS 2:6

Inde sia tu kadanNa PUANG, Nakua: Belanna tallu tu kapatodo-tintinganna Israel, ondongpi belanna a’pa’, iamoto natae’ Kula undampai umparampoi ukungan. Belanna ungkamorai doi’ anna balukanni tu to malambu’ sia nabalukan tu to bongko sangpasang sepatu.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

YOHANES 10:1

Tonganna tongan Kukua mati’: minda-minda tu tang lu dio mai ba’ba natama bontong domba, sangadinna metteka’ lu dio mai senga’na, iamo ia to boko ba’tu pa’gora’.

YOHANES 16:2

La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

KADA OMBO’ LAKO RASULU’ YOHANES 18:13

sia kayu tanik, sia minna’ pandere’, sia kemenian, sia muru, sia dupa, sia uai anggoro’, sia minna’ saitun, sia ta’pung manisak, sia gandung, sia sapi, sia domba, sia darang, sia kareta, sia kaunan sia sunga’ tolino.

KADA OMBO’ LAKO RASULU’ YOHANES 3:17

Belanna mukua: Sugi’na’ sia unnappa’ kasugiran, na moi misa’ tae’mo pu’du’ dio kaleku, apa tae’ mutandai, kumua ikomo mandasana sia tang tiroan tau sia bongko sia buta sia ma’kambelang,