ZAKHARIA 11:16 - Sura' Madatu

¹⁶ Belanna manassa la Kupadenan misa’ tu to mangkambi’ lan tondok, iamotu tang umparinaa apa la sanggang, tang undaka’ apa tisambo’, tang umpoinaa umpamondo apa bangke, tang ungkaritutui apa tang pakulle, sangadinna la ungkande duku’ olo’-olo’ malompo sia la nase’bu kanukunna.

ZAKHARIA 11:16 ပူးပေါင်းရင်းမြစ်များ

KADADIAN 31:38

Duangpulomo’ taunna torro sola kamu, na iatu domba birangmi sia bembe’ tae’ bangra masala tu anakna, sia iatu lakinna tae’ra angku kandei.

KADADIAN 33:13

Apa mebali tu Yakub lako nakua: Miissan kumua iate mai pia tang nabela sia den duka tu domba sia bembe’ sia sapi sumusupa tu anakna; iake sangallori nanii umpalingkai tau manassa mate nasang.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YEREMIA 23:2

Iamoto, nakua kadanNa PUANG, Kapenombanna to Israel, lako mintu’ to mangkambi’ tu ungkambi’ taungKu, kumua: Mipasisarak-sarak sia miula’ tu dombaKu sia tae’ mikaritutui; tonganna la Kupapakkanni tu mintu’ penggauran kadakemi, kadanNa PUANG.

YEREMIA 23:22

Belanna iakenna la ma’dioren tu tau iato mai lan kombongangKu, manassa napa’perangian tu kadangKu lako taungKu sia napatibalik dio mai lalan salana sia dio mai penggauran kadakena.

YEHEZKIEL 34:10

Inde sia tu kadanNa Puangta PUANG, Nakua: Manassa la Kulaoi tu to mangkambi’ iato! La Kutuntun tu mai dombaKu dio mai limanna, sia la Kupasoro’ mangkambi’. Iatu to mangkambi’ tae’mo anna ungkambi’ kalena, sia la Kurampanan tu dombaKu lan mai sadangna, naurunganni tae’mo napokandei tau iato mai.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEHEZKIEL 34:21

Belanna miparussunni sa’demi sia palempengmi tu tang nabelanna sia mipaserokki tandukmi sae lako miula’ lako salian,

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

YOHANES 10:1

Tonganna tongan Kukua mati’: minda-minda tu tang lu dio mai ba’ba natama bontong domba, sangadinna metteka’ lu dio mai senga’na, iamo ia to boko ba’tu pa’gora’.