ZAKHARIA 11:1 - Sura' Madatu

¹ Bungka’i tu mintu’ ba’bamu, e Libanon, anna purai api tu mintu’ garonto’ arasi’mu.

ZAKHARIA 11:1 ပူးပေါင်းရင်းမြစ်များ

YEREMIA 22:23

E iko to unno’ko’ dao Libanon sia messerang lan lu kayu arasi’, lendu’ ia sarromu, ke narampoiko tu mintu’ pa’di’, susito baine mangurria’.

YEHEZKIEL 31:3

Manassa iatu Asyur dolona susi misa’ kayu arasi’ dao Libanon, maballo tangkena makampu daunna, sia malangka’ tu batangna; anna sumpu tu lolokna langngan gaun.

HABAKUK 2:17

Belanna iatu kamasa’garan mupogau’ dao Libanon la ungkabu’ko sia iatu kaussabuirammu olo’-olo’ la umpatirambanko, napobua’ rarana tolino tu tibollo sia kamasa’garan, tu diparampoan tondok, kota sia mintu’ pa’tondokanna.

HABAKUK 2:8

Belanna mangkamoko umpangrampai buda bangsa, ia toda tu torronapa bangsa iato la umpangrampaiko, tu belanna rarana tolino tu tibollo sia belanna kamasa’garan, tu diparampoan tondok, kota sia mintu’ pa’tondokanna.

HAGAI 1:8

Malekomi langngan buntu unnala kayu, ammi bangunni sule te banua iate, manassa la naposende penaangKu, angKu dipakala’bi’, kadanNa PUANG.

ZAKHARIA 10:10

Ondongpi la Kusolan sule tu tau iato mai lan mai tondok Mesir sia la Kurampun dio mai Asyur, angKu solanni lako padang Gilead sia lako Libanon; apa tang la ganna’mo lako tau iato mai.

ZAKHARIA 11:2

Sumarroko, e sanoba’, belanna songkamo tu arasi’, sia diratoimo tu mintu’ kayu umbalumbun; sumarrokomi, e mintu’ jati dio Basan, belanna tibambangmo tu pangala’ tamman.

ZAKHARIA 12:6

Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.