ZAKHARIA 10:8 - Sura' Madatu

⁸ La Kuongli’ tu tau iato mai sia la Kupasirampun, belanna la Kurampanan tu tau iato mai, sia la memba’ka’ susi dolona.

ZAKHARIA 10:8 ပူးပေါင်းရင်းမြစ်များ

1 DATU 4:20

Iatu bilangan to Israel sia to Yehuda susi karangan dio biring tasik budanna; iatu tau iato mai kumande sia mangiru’ sia parannu-rannu.

KATASSURAN 1:7

marapuammi tu to Israel sia satumale’-male’na sia memba’ka’ kalle-kallean sia sakerangngan-rangnganna, naurunganni nasitutu’imo tu tondok.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YESAYA 48:20

Tassu’komi lan mai Babel, mallaikomi dio mai to Kasdim; sikumalasilasiangkomi umpa’peissananni, sia umpa’perangianni sia umpatale’i sae lako randan langi’, kumua: Narampanammo PUANG tu Yakub, taunNa.

YESAYA 5:26

La Napabendanan bate-bate tu mai to randan langi’ sia la Nakorok londong dio mai lelean uran; manassa inang madomi’ sia ta’pa la sae tu tau iato mai.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

YESAYA 7:18

Allo iato la Natambai PUANG sae tu mintu’ kasisi’ dio messarakna salu Nil dio Mesir sia tabuan dio tondok Asyur.

YESAYA 7:19

Mintu’i to la sae ta’pa ussamboi aa’ mi’lan sia lan lu to’ sapak batu, sia dio lu to’ duri, sia dio lu mintu’ to’ kauaianna.

YEREMIA 33:22

Susitu mintu’ ma’dandan maritik dao langi’ tang dikemba’ bilanganna sia karangan dio biring tasik tang tisuka’, susi dukamoto la Kupopemba’ka’ tu bati’na Daud, taungKu, sia mintu’ to Lewi, tu mengkaola lako Kaleku.

HOSEA 1:10

Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

MIKHA 2:12

Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

ZAKHARIA 9:11

La Kurampanan duka tu to dirampa dio lu kalemu lan mai bubun tu tae’ uainna tu belanna umpotoding rara kasibasseammu.

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;