ZAKHARIA 10:5 - Sura' Madatu

⁵ Sia iatu tau iato mai butung to lalong, tu ullese so’mak dio lu lalan lan kasirarian; ondongpi parari tu tau iatu mai, belanna Narondong PUANG, apa iatu mai to ussakei darang la kasirisan.

ZAKHARIA 10:5 ပူးပေါင်းရင်းမြစ်များ

2 SAMUEL 22:43

Kunisak-nisak tu tau iato mai butung to barra’-barra’ dio lu padang, kulullu’-lullu’ sia kupolungganak ten to so’mak dio lu lalan.

2 SAMUEL 22:8

Lino’mi tu padang sia tigega’, sia mintu’na parandangan langi’ tiseno, sia tigega’ belanna kare’dekanna ara’Na.

2 DATU 9:33

Nakuami tu Yehu: Pembuanganni rokko mai. Napembuanganni rokko, naurunganni tibura’ tu rarana lako rinding tembo’ sia lako to’ darang, sia napalungganakki Yehu.

PA’PUDIAN 18:42

Metambamo tu tau iato mai, apa tae’ misa’ tau untundui, metamba lako PUANG, apa tae’ Napebalii.

PA’PUDIAN 20:7

Totemo kukanassaimo kumua Naba’gi kapataloan PUANG tu to Natokko, Ia umpebalii lan mai suruga, inan kabusunganNa tete dio kamatotoran lima kananNa tu merampanan.

PA’PUDIAN 33:16

Misa’ datu tae’ anna umpopatalo kabudanna pa’baraninna, sia misa’ to lalong tae’ anna umpolussu’ katarru’-baranianna.

PA’PUDIAN 44:5

Kamumo tu Datungku, o Puang Matua; ma’kadamoKomi anna dilendokan tu Yakub.

PA’PUDIAN 45:3

Mandu maballokomi kamu anna mintu’ ma’rupa tau, iatu kamabalelean dipasitutu’mo randan pudukmi, iamoto anna pamasakkekomi Puang Matua tontong sae lakona.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YESAYA 25:10

Belanna iatu limanNa PUANG la mendemme’ indete buntu, apa iatu Moab la dilullu’ rokko to’ inanna, butung to dalame dilullu’ rokko to’ uai patuang pangangku’.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 41:12

La mudaka’, apa tae’ ammu kabu’tui tu mai to ullaoiko; la sangtinti to apa tae’ sia la pisan tu to musirarian.

YESAYA 41:25

Umpake’de’Na’ misa’ tau daa mai ulunna salu, anna saemo, lu dio mai kadellekan allo tu misa’ tau ussa’bu’ sangangKu; nalullu’ tu arung susi losso’, ten to tumampa kurin ullullu’ pitti’.

YESAYA 8:9

Maparrangkomi palaoan, e kamu mintu’ bangsa, nake disabu’ikomi; patananni talinga e kamu to randan langi’; selle’i tu la’bo’mi, nake disabu’ikomi; selle’i tu la’bo’mi, nake disabu’ikomi.

YEHEZKIEL 38:15

Sia la ke’de’ko dio mai inanmu, munii torro, dio mai inan mambela rampe daanna lu, iko sia buda bangsa musolan, pakkanarang nasang, misa’ tuntunan kapua sia buda surodadu,

AMOS 2:15

Ia duka tu mai to ma’pana tang naattamo bendan sia to matipa lumingka tae’mo nalussu’ sia pakkanarang tae’mo nalendokan sunga’na.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

HAGAI 2:22

Pokadanni Zerubabel, to maraya Yehuda, kumua: La Kupatigega’ tu langi’ sia lino.

ZAKHARIA 12:4

Attu ia dukato, kadanNa PUANG, la Kuparampoi katirambanan tu mintu’ darang, sia la Kupabomboan tu mintu’ to ussakei; lako mintu’ to Yehuda la tontong tibungka’ tu matangKu, apa iatu mintu’ darangna to sangpetayanan la Kupabuta.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

ZAKHARIA 14:13

Ondongpi, allo iato la den kamarukkan kapua dio lu tau iato mai, tu Napaden PUANG, naurunganni pantan la undammak limanna solana, sia pantan la unnangka’ limanna unnea solana.

ZAKHARIA 14:3

Attu iato la tassu’ tu PUANG, anNa sirari tu mintu’ bangsa iato susitu kapararianNa dolona, tonna allo kasirarian.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 4:3

Saemi tinde to pangrosoan sia nakua lako: Iake AnakNaKomi Puang Matua, suai te batu mendadi roti.

LUKAS 24:19

Nakuami lako: Apamo ia? Mebalimi nakua: Napa tu apa dadi lako Yesu to Nazaret, misa’ nabi matoto’Na Puang Matua nala diona penggauranNa, nala diona kada dio oloNa Puang Matua sia dio tingayona mintu’ tau;

PENGGAURANNA RASULU’ 18:24

Saemi lako Efesus tu to Yahudi misa’ disanga Apolos, to Aleksandria, misa’ to manarang sia untarru’i tu lanna Sura’ Madatu.

PENGGAURANNA RASULU’ 7:22

Naada’imi tau kamanarangan to Mesir tu Musa, naurunganni pasau’ nala diona kada nala diona penggauran.

2 KORINTUS 10:4

Belanna iatu parea kaparariangki tang unturu’ a’ganna pa’kalean, sangadinna matoto’mo Nasanga Puang Matua, la usseran mintu’ tambakuku bantang tongan.

PA’TOLE 20:1

Iake la ke’de’ko lao parari ullaoi ualimmu, ammu tiroi tu mai darang sia kareta, iamotu misa’ bangsa mandu buda anna iko, manassa da mukataku’i, belanna iatu PUANG, Kapenombammu, urrondongko, tu ussolangko sun lan mai tondok Mesir.

2 TIMOTIUS 4:17

Apa Puang urrondongna’ sia umpabatta’na’, kumua anna sundun kalelean tu kadipalolanganna Kareba-kaparannuan belanna aku sia anna rangii mintu’ bangsa; sia lessu’mo’ dio mai sadang singa.

2 TIMOTIUS 4:7

Kupembela-belai tonganmo lan rari melo diona kapatonganan, kusundunnimo tu tage’ku, kukaritutuimo tu kapatonganan.

YOSUA 10:14

Tae’ bangpa ia allo susito la dolona la undinna, tu Nanii PUANG umpalaloi tu palakunna misa’ to lino, belanna PUANG untundui tu to Israel parari.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

KADA OMBO’ LAKO RASULU’ YOHANES 19:17

Kutiro polemi misa’ malaeka’ bendan lan allo, nametamba umpekapuai gamaranna ma’kada lako mintu’ manuk-manuk mettia’ dao lu langi’, nakua: Maikomi sirampun lako kakumandean pua Naparandan Puang Matua,

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.