ZAKHARIA 10:3 - Sura' Madatu

³ Dukkumi tu kasengkeangKu lako mintu’ to mangkambi’, sia la Kuukung tu mintu’ domba laki, apa PUANGna mintu’ ma’dandan maritik ungkaritutui tu domba ma’baananNa, iamotu to Yehuda, sia umpadadii susi darang malinta’ lan kasirarian.

ZAKHARIA 10:3 ပူးပေါင်းရင်းမြစ်များ

AYUB 39:25

umpetaai kamatakuran sia tang magiang, sia tang sorong boko’ untiro pa’dang.

KATASSURAN 4:31

Napatonganmi to buda tu kadanna Musa sia iatonna rangimi, kumua Nakilalaimo PUANG sia Natiromo tu kamaparrisanna, tukkumi menomba.

SARAMBU PEADA’ 21:31

Iatu darang dipasakka’, ke allo kapararian, apa iatu kapataloan lu dio mai PUANG.

PA’TENDENG BALLO 1:9

– E rindungku, kupasangtintiko darang birang, tu dipalakoi karetana Firaun!

YESAYA 10:12

Apa la dadi ke tepumi tu Puang umpogau’ pengkaranganNa dao buntu Sion sia dio Yerusalem, la rampoNa’ unnukungi tu napabu’tunna penaa madaona datu Asyur sia matampo patiro solo’na.

YESAYA 24:21

Iato allo iato la Napapakkanni PUANG, tu mintu’ surodadu masuangga dao lu masuanggana sia lako mintu’ datu lino dao kuli’na padang.

YEREMIA 10:21

Belanna mintu’ to mangkambi’ baga sia tae’ nadaka’i tu PUANG, iamoto anna tae’ napaissan sia sisarak-sarak tu mintu’ patuoanna.

YEREMIA 11:22

iamoto nakua kadanNa PUANGna mintu’ ma’dandan maritik: Manassa la Kuukung tu tau iato mai; iatu mintu’ to mangura la mate nakande pa’dang sia iatu mintu’ pia muane sia pia baine la mate karorian,

YEREMIA 25:12

Apa iake ganna’mi pitungpulo taunna, la Kupapakkanni tu mintu’ kakadakeanna datu Babel sia bangsa iato, kadanNa PUANG, sia ia duka tu padang to Kasdim, la Kupopempadang lo’bang sae lakona.

YEREMIA 25:34

Unnurrukkomi, e mintu’ to manglaa, melallakkomi sia melenten-lentenkomi dio lu to’ barra’-barra’, e mintu’ pangkambi’ domba ma’baanan; belanna nalambi’mo tu allomi, la ditunu. Sia Akumo la untesse-tessekomi, ammi tobang susi pindan mellong.

YEREMIA 50:6

Iatu taungKu butungmo to domba pusa tu napapusa pengkambi’na sia nasolan langngan buntu; sia salamba-salao tu tau iato mai dio mai misa’ buntu lako misa’ tanete, naurungan tae’mo nakilalai tu inan nanii mari’pi.

YEHEZKIEL 34:11

Belanna inde sia tu kadanNa Puangta PUANG, Nakua: Manassa Aku kalena la umpoinaai tu mai dombaKu sia la untiroi;

YEHEZKIEL 34:12

Susi misa’ to mangkambi’ untiro baanan dombana, ke dioi lu tangnga domba tisambo’-sambo’na, la susi dukaNa’ to untiro dombaKu sia urrampananni dio mai mintu’ inan, tu nanii tisambo’ male tonna allo massalebu’ sia mapittuk.

YEHEZKIEL 34:2

E ma’rupa tau, ma’nubua’ko unnea mintu’ to mangkambi’na Israel, ma’nubua’ko sia ma’kadako lako tau iato mai, iamotu to mangkambi’, mukua: Inde sia tu kadanNa Puangta PUANG, Nakua: Upu’ allona tu to mangkambi’na Israel, tu kalena manna nakambi’! Iatu mai to mangkambi’ tang dombaraka ia tu sipatu nakambi’?

DANIEL 11:32

Na iatu to untodo tinting basse, la nasede anna memboko’, apa iatu tau untandai Kapenombanna la matoto’ sia umpalalo penggauran.

ZEFANYA 1:8

La dadi, ke allo pemala’Na PUANG, kumua la Kuukung tu mintu’ arung sia mintu’ anakna muane datu sia mintu’ tu mai to ma’pakean to sae.

ZEFANYA 2:7

Iatu randan tasik la napotaa to Yehuda torronapa, la nasolan tu domba inde to lako anna kande riu, lan lu banuanna to Askelon la nanii torro ma’bongi, belanna PUANG iamo Kapenombanna, la umparinaai sia la umpopembalii tu dalle’na.

ZAKHARIA 11:17

Upu’ allona tu to mangkambi’ tae’ gai’na, tu umpopa’elo’na mintu’ dombana. Narampoimira pa’dang tu takia’na sia iatu mata kananna! La kope tu takia’na, anna maraun tu mata kananna.

LUKAS 1:68

Mintu’na kadipangkeran lu lako nasang Puang Kapenombanna to Israel, belanna denmo mamaseNa umpemaranga to Napilei, Napadenanni kadila’bakan.

1 PETRUS 2:12

iatu gau’mi la melo dio lu to kapere’, dikua anna iatu napobannang umpalele bekokomi tau butung to umpogau’ kadake, tu belanna natiro tu penggauran melomi, anna pakala’bi’i tu Puang Matua ke alloNami Puang sae umpakilalai.

RUT 1:6

Mangkato ke’de’mi sola tu minintunna baine da’dua anna sule dio mai padang marantena Moab, belanna denmo kareba narangi dio padang marantena Moab, kumua Nakilalaimo PUANG tu taunNa, anNa benni kande.