ZAKHARIA 10:11 - Sura' Madatu

¹¹ Attu iato iatu tau iato mai la ullamban tasik lan kapussakan sia la ussambakki bombang tu tau iato mai lan lu tasik; sia mintu’ malikunna Nil la marangke. La susimoto tu mintu’ apa napomatampo Asyur la songka, sia iatu tekken kapayunganna Mesir la pa’de.

ZAKHARIA 10:11 ပူးပေါင်းရင်းမြစ်များ

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

2 DATU 2:14

Naalami tu bayu lamba’na Elia, tu rondon dio mai kalena, anna sambakki tu uai sia metamba nakua: Umbara tu PUANG, Kapenombanna Elia, manassa iamo Ia? Nasambakkimi tu uai anna tipa’dua lu rekke sia lu sau’, anna ma’din ullambanni Elisa lian.

2 DATU 2:8

Naalami Elia tu bayu lamba’na, anna lulunni, nasambakki tu uai, anna tipa’dua lu rekke sia lu sau’, anna lamban sola duai dao to’ karangkeanna.

EZRA 6:22

Napakaraya dukami tu pa’maruasan roti tang diragii parannu penaanna, belanna Napakarannu PUANG tu penaanna tau iato mai, sia Napatiakka’mi tu penaanna datu Asyur, anna masokan lako kalena, naurunganni untundui tu tau iato mai dio pengkarangan lako banuanNa Puang Matua, iamotu Kapenombanna to Israel.

PA’PUDIAN 114:3

Mallaimi tu tasik tonna tiroi tu iannato, sia lolong sule tu Yordan;

PA’PUDIAN 114:5

E tasik, ma’aparoko ammu mallaira susito? Sia iko, e Yordan, ammu lolong sulera?

YESAYA 14:25

Akumo tu ussanggang Asyur lan padangKu sia Kulullu’ dao buntungKu, naurunganni tilendok tu ayokana dio mai tau iato sia tilendok tu pamaanna dao mai palempengna.

YESAYA 19:16

Allo iato iatu to Mesir la sangtinti baine; la ma’parondo sia ungkataku’ lima tie’te’Na PUANGna mintu’ ma’dandan maritik, tu Nae’teran tau iato mai.

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

YESAYA 44:27

Akumo tu ma’kada lako malikunna, kumua: Mandalle’ko, sia mintu’ salummu la Kupamarangke.

YESAYA 51:10

Tang Kamuraka tu umpamere tasik sia uai tasik kalua’ sia umpopembali lalanni tu tasik mandalan, kumua anna olai lamban mintu’ to Mirampanan?

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

YEHEZKIEL 30:13

Inde sia tu kadanNa Puangta PUANG, Nakua: Manassa la Kusanggang tu mintu’ rapang-rapang dipodeata sia Kuputtai tu kapenomban tang tongan dio mai Memfis; sia tae’mo tu to Mesir la dadi arung. Sia la Kuparampoi kamatakuran tu tondok Mesir,

ZEFANYA 2:13

Sia la Nae’te’ tu limanNa unnea tondok rampe daanna lu, anNa sanggangi tu Asyur sia la Napopempadang talo tu Niniwe, anna marangke susi padang pangallaran.

KADA OMBO’ LAKO RASULU’ YOHANES 16:12

Na iatu malaeka’ ma’pennannanna umbolloan gori-gorinna rokko salu kapua, iamotu salu Efrat, anna marangke, dikua anna tibungka’ tu lalan naola mintu’ datu dio mai matallo.