ZAKHARIA 10:1 - Sura' Madatu

¹ Palakui tu uran dio mai PUANG, ke attunnai uran tampak, PUANG umpadadii tu kila’ mellepa’ sia la Napasaean uran kamban tu tau iato mai, sia Nakamasean mintu’ tau tu tananan maluna dio pa’lakna.

ZAKHARIA 10:1 ပူးပေါင်းရင်းမြစ်များ

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

AYUB 29:23

Napeagina’ tau susito ungkamali’ uran sia umpopenganga sadangna susito ungkamali’ uran tampak.

PA’PUDIAN 104:13

Ia ussakka’i tu mintu’ buntu dao mai inan ma’duang papa’na, anna pedia’i bua pengkarangamMi te lino.

PA’PUDIAN 135:7

Ia umpakendek damo’ dio randan langi’, sia umpaden kila’ situang uran, sia umpasun angin lan mai pa’palumpunanNa.

PA’PUDIAN 65:9

Naurunganni mintu’ to dio lelean uran ungkabangnga’ tanda kalle-kalleamMi, sia Kamu umpopela’tekki tu matallo matampu’.

PA’PUDIAN 72:6

Sangapaoi anna sitinti uran dilangi’ unta’pai padang dibela’i, sia sitinti uran umbanasa ussakka’i kuli’na padang.

SARAMBU PEADA’ 16:15

Iatu arrang lindona datu umpaden katuoan salama’, sia iatu kamasokananna butung to gaun ke palauran undi.

YESAYA 30:23

Puang la umpasaeanni uran tu banne muambo’ dio lu bela’mu, sia umpa’bengan roti bu’tu dio mai bura padangmu la mammi’ dikande sia ma’pamatoto’ sia allo iato mintu’ patuoammu la undaka’ kande dio lu padang malona’.

YESAYA 44:3

Belanna aku la umbolloi uai tu be’ko’na sia salu’-salu’ tu kamarangkeanna; la Kupasaruranni PenaangKu tu bati’mu sia rongko’Ku tu lanto mimi’mu.

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

YEREMIA 10:13

Iake umpatassu’i kadanNa, mongngo’ tu uai dao langi’ sia umpakendek salebu’ dio mai randan langi’; Ia umpadadi kila’ naturu’ uran, sia umpatassu’ angin lan mai pa’palumpunanNa.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 5:24

Sia tae’ nama’kada lan penaanna, kumua: Melo ke mengkaolaki’ lako PUANG, Kapenombanta, tu mamase umpasaeangki’ uran, la uran bunga’ la uran tampak, ke attunnai sia tu umpenandangki’ ba’tu pirang-pirang minggu, tu attu pegandungan.

YEREMIA 51:16

Iake Napatassu’i kadanNa, mongo’ tu uai dao langi’ sia umpakendek salebu’ dio mai randan langi’; la umpadadii tu kila’ naturu’ uran, sia umpatassu’ angin lan mai pa’palumpunanNa.

YEHEZKIEL 34:26

La Kupadadi kamauparan tu tau iato mai, ondongpi tu mintu’ apa untikui taneteKu, sia la Kupasaean uran ke attunnai; la dadi uran ma’palobo’.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

HOSEA 10:12

Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

AMOS 4:7

Sia Aku duka, tae’mo Kubenkomi uran, tonna tallung bulanpa, namane pegandungan, Kubenmo uran tu misa’ kota, apa iatu kota senga’ tae’; iatu sangteppe’ pa’lak kauranan, na iatu senga’na, tu tae’ nato’doi uran, marangke.

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

YOHANES 16:23

Sia iake allo iato moi misa’ tae’mo mipekutanan lenni lako Kaleku. Tonganna tongan Kukua mati’, iake umpalakukomi ba’tu apa-apa lako Ambe’, la Napa’kamasean lako kalemi tete dio sangangKu.

1 KORINTUS 3:6

Mangkamo’ mantanan na Apolos ma’sakka’i, apa Puang Matua Ia tu umpatuoi.

PA’TOLE 28:23

Iatu langi’ mududung la susi tambaga sia iatu padang mulese la susi bassi.

YAKOBUS 5:7

Iamoto, e sangiulurangku, ma’tan penaakomi sae lako allo kasaeanNa Puang. Tiromi, tu to ma’pa’lak untayan bua malapu’ diong mai padang; napama’tanan penaa sae lako nata’painna uran masonak sia uran ma’pangalla’.