ZAKHARIA 1:8 - Sura' Madatu

⁸ Iatonna bongi kutiromi den misa’ muane ussakei darang balibi, anna tadang dio lu tangngana mintu’ garonto’ murdu’ dio to’ inan madiong, sia dio boko’na den ba’tu pira-pira darang balibi, pilla’ sia busa’ dio boko’na.

ZAKHARIA 1:8 ပူးပေါင်းရင်းမြစ်များ

KADADIAN 20:3

Apa sae tu Puang Matua lako Abimelekh bongi iato lan tindona ma’kada kumua: Tonganna tongan la mateko, bannang dio te baine mangka muala, belanna bainenamo tau!

KADADIAN 46:2

Iatonna bongi ma’kadami tu Puang Matua lako Israel lan patiro mendeata Nakua: E Yakub, Yakub. Ma’kadami Yakub nakua: Inde siana’, Puang!

1 DATU 3:5

Dio Gibeon ombo’mo tu PUANG lako Salomo lan tindona tonna ibongi, sia ma’kada tu Puang Matua Nakua: Palakui apara tu la Kubenko?

NEHEMIA 8:15

Naappa’mi tau iato mai den disura’ lan sukaran aluk tu mangka Napa’bengan PUANG nalopian Musa, kumua: iatu to Israel, ke allo pa’gauran lan bulan ma’pempitu la torro lan kalumba.

AYUB 4:13

tongku mangka untiroi tu pentiro mendeata tonna bongi, angku ma’tangnga’-tangnga’, tonna kaleppeng-leppenganna tau.

PA’TENDENG BALLO 2:16

Iatu andi’ pa’kaboro’ku aku puangna na iatu aku ia puangna, tu mangkambi’ lan lu to’ danga-danga,

PA’TENDENG BALLO 6:2

– Iatu muane pa’kaboro’ku mengkalaomo rokko pa’lak bunganna, rokko to’ bedeng oto’ pebangki’, la naposende tu pa’lak bunga sia la unnala danga-danga.

YESAYA 41:19

La Kupaden dio lu padang aak tu kayu arasi’ sia kayu simmin sia kayu murdu’ sia kayu saitun; la Kupasitanan kayu sapuko tu darda’ sia kayu buangin dio lu padang talo.

YESAYA 55:13

La tuo tu kayu sanoba’ sondana duri sia kayu murdu’ sondana a’da’; iamote tu Naposanga mala’bi’ PUANG sia Napotanda matontongan, tu tang la dipa’dei.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

DANIEL 2:19

Attu iato dipaombo’mi lako Daniel tu rasia iato lan patiro mendeata tonna ibongi, anna pudi-pudi Daniel tu Puang Matua dao suruga.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

DANIEL 7:2

Ma’kadami tu Daniel nakua: Iatonna bongi kutiro lan patiro mendeata, songlo’ tu a’pa’ angin dao mai langi’ umpatigega’ tasik kapua;

ZAKHARIA 1:10

Mebalimi tu to bendan dio lu tangngana mintu’ garonto’ murdu’, nakua: Iamo te tu Nasua PUANG male ullelei tu lino.

ZAKHARIA 1:11

Mebalimi tu tau iato mai lako Malaeka’Na PUANG, tu bendan dio lu tangngana mintu’ garonto’ murdu’, nakua: Mangkamo kilelei tu lino, manassa iatu mintu’ lino marampa’ tongan.

ZAKHARIA 1:7

Iatonna allo ma’penduangpulo nna’pa’ bulan ma’pessangpulo misa, iamotu bulan Syebat, tonna taun ma’penduan kadatuanna Darius, saemi kadanNa PUANG lako nabi Zakharia, anakna Berekhya, anakna Ido, Nakua:

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

YOSUA 5:13

Den pissan tonna sikandappi’ Yerikho tu Yosua, nabangunanni tu matanna, mangngami, bendan tu misa’ tau nasitingoan untoe pa’dang tinonok. Nareke’mi Yosua lako nakutanai, nakua: Lu diorokomika mai kaleki ba’tu dio mai ualingki.

KADA OMBO’ LAKO RASULU’ YOHANES 2:1

Surasanni malaeka’ kombongan dio Efesus susite: Kumua iamote tu kada lu dio mai Puang tu untoe pitu bintoen lan lima kananNa, tu sumalong lu lako lu dio mai lan tangngana tu pitu tongkonan palita bulaan.

KADA OMBO’ LAKO RASULU’ YOHANES 6:2

Kutiromi den misa’ darang busa’, na iatu to ussakei untoe pana; dikamaseimi misa’ makota, sunmi patalo sia kumua anna patalo tarru’.

KADA OMBO’ LAKO RASULU’ YOHANES 6:4

Nasun pole’o misa’ darang senga’, ma’bulu balibi, nadiben to ussakei tu kuasa umputtai kamarampasan lan lino, naurunganni sipate-patean tu tau; sia misa’ pa’dang kapua dikamaseanni.