ZAKHARIA 1:6 - Sura' Madatu

⁶ Moi nasusito, apa iatu mintu’ kadangKu sia mintu’ atorangKu, tu mangka Kupatangkean taungKu, iamotu mintu’ nabi iato, tae’raka nalambi’i tu nene’ to dolomi, naurunganni mengkatoba’, anna ma’kada nakua: Susi tanan penaanNa PUANGna mintu’ ma’dandan maritik la umpogau’i lako kaleki, situru’ kedoki sia situru’ penggaurangki, susi dukamoto Napogau’ lako kaleki?

ZAKHARIA 1:6 ပူးပေါင်းရင်းမြစ်များ

2 DATU 15:12

Susimorato tu kadanNa PUANG tu mangka Napokada lako Yehu, nakua: Iatu mai anakmu muane la unisung dao isungan kapayunganna Israel sae lako osso’ ma’penna’pa’na. Dadi dukami susito.

AYUB 6:29

Tangnga’ meloi, da naden katangmaloloan; ondongpi la mintangnga’ tongan, iatu katonganangku tang tilento.

YESAYA 21:17

Sidi’mora tinampe tu bilanganna tu mai pa’tinaran lalongna to Kedar, belanna mangkamo Napokada PUANG, Kapenombanna to Israel.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

YESAYA 55:11

Susi duka tu kadangKu sunmo dio randan pudukKu, kumua tae’ anna la sule lo’bang lako Kaleku, sangadinna umpalolang apa Kuporai sia umpalalo mintu’ tu apa Kusuanni.

YEREMIA 23:20

Tae’ nala toyang tu kasengkeanNa PUANG, ke tae’pi Naupu’ umpalaoi tu mintu’ lalan penaanNa; diopi allo ma’katampakanna mimane unnissan tongan-tonganni.

YEREMIA 26:15

Apa la miissan melo kumua, iake mipateina’, manassa umpapassannikomi kalemi rara to tang kasalan sia kota iate sia mintu’ to untorroi; belanna tonganna Nasuana’ PUANG la umpalanda’i tama pa’perangimmi te mintu’ kada iate.

YEREMIA 28:17

Ta’kala matemi tu nabi Hananya taun ia dukato, bulan ma’pempitunna.

YEREMIA 32:24

Iatu mintu’ pambo’bok digaragaimo rampo lako biring kota la untaloi, anna disorong tama limanna to Kasdim tu kota iato, tu urrarii, tete dio kandean pa’dang sia karorian sia ra’ba biang; na iatu mintu’ apa Mipokada dadimo sia manassa Mitiromo.

YEREMIA 36:28

Ala pole’ko misa’ lulunan sura’ senga’ sura’i tama tu mintu’ kada dolo, tu lan lulunan sura’ dolo, tu naballa Yoyakim, datu Yehuda.

YEREMIA 39:16

Malemoko, pokadai te lako Ebed-Melekh, to Etiopia: Inde sia tu kadanNa PUANGna mintu’ ma’dandan maritik, Kapenombanna to Israel: Manassa la Kupopembuamo tu mintu’ kadangKu lako kota iate tu la napokadakena, tangia la napomelona sia allo iate la mutiro.

YEREMIA 4:4

Sunna’i tu kalemi lako PUANG sia tibei tu salepe’ kasirisan penaammi, e kamu to Yehuda sia pa’tondokan Yerusalem, da nama’lana-lana susi api tu kare’dekangKu sia ma’pamampu’, naurunganni tang dibela dipa’dei, belanna penggauran kadakemi.

YEREMIA 44:2

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: Mitiromo tu mintu’ kamandasan tu Kuparampoan Yerusalem sia mintu’ kota Yehuda – manassa allo iate daun lauammo sia moi misa’ tau tae’ torro lan –

YEREMIA 44:28

Iatu tau la tilendok dio mai kandean pa’dang sia la sule dio mai tondok Mesir lako tondok Yehuda, la sidi’ri bilanganna; namintu’ to Yehuda torronapa, tu saemo lako Mesir la mentiruran dio, iamo la untandai umba tu la dadi, kadangKuraka ba’tu kadannaraka tu tau iato mai.

YEREMIA 44:29

Iamote la dadi misa’ tanda lako kalemi, kadanNa PUANG, umpamanassai kumua la Kuukungkomi dio inan iato, ammi issanni, kumua iatu mintu’ kadangKu inang la dadi ammi posanggangi.

YEREMIA 44:6

Iamoto anna tibarrakmo kare’dekanna ara’Ku sia kasengkeangKu, sia ma’lana-lana lan lu mintu’ kota Yehuda sia dio lu batatta Yerusalem, naurungan daun lauan nasangmo, sia mempadang lo’bangmo susite allo iate.

YEREMIA 5:14

Iamoto Nama’kada PUANG, Kapenombanna mintu’ ma’dandan maritik, Nakua: Belanna susi kadammi to, iamoto na iatu kadangKu lan sadangmu la kupopendadimo api na bangsa iate susi kayu, anna pepurai nakande tu tau iato mai.

BATING 1:18

Iatu PUANG malambu’, belanna pabali-balimo’ unnea kadanNa. Perangii, e mintu’ bangsa, sia tiroi tu kamapa’dirangku, mintu’ tu baine malolle’ dio kaleku sia pia muane malolle’ku male nasangmo dipali’.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

BATING 3:42

Salamokan sia pabali-balimokan, apa tae’ Mima’pagarri’.

YEHEZKIEL 20:43

Sia inde to la minii ungkilalai tu mintu’ gau’mi sia penggaurammi, tu mipobannang urruttakki kalemi belanna mintu’ penggauran kadake tu mangka mipogau’.

YEHEZKIEL 37:11

Ma’kadaMi lako kaleku, Nakua: E ma’rupa tau, iate mintu’ buku iate, iamo mintu’ to Israel. Tonganna ma’kada tu tau iato mai nakua: Iatu mai bukungki marangkemo sia ka’tumo tu rannungki, upu’mo alloki.

DANIEL 4:28

Iate mintu’na te urrampoimo datu Nebukadnezar.

HOSEA 5:9

La mempadang lo’bang tu Efraim, ke allo kadiukungan. La Kupa’peissanan tu apa mangka dipamanassa la urrampoi tu mintu’ suku Israel.

HOSEA 9:15

Mintu’ kakadakeanna sirampun dio Gilgal, iamoto inde dukato dio Kunii ungkabiri’i tu tau iato mai; belanna penggauran kadakena, angKu la unnula’i lan mai banuangKu. Sia tae’mo angKu kamasei; mintu’ arungna pabali-bali nasang.

AMOS 9:10

Mintu’ tu to kasalan dio lu taungKu la mate nakande pa’dang, tu ma’kada nakua: Da mipopengkareke’i tu kasanggangan sia da mipasitammukan tu iannato.

ZAKHARIA 1:7

Iatonna allo ma’penduangpulo nna’pa’ bulan ma’pessangpulo misa, iamotu bulan Syebat, tonna taun ma’penduan kadatuanna Darius, saemi kadanNa PUANG lako nabi Zakharia, anakna Berekhya, anakna Ido, Nakua:

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

KADIBILANGAN 32:23

Apa iake tae’i mipogau’i susito, manassa kasalangkomi lako PUANG, sia la miissan, kumua iatu kasalammi la sule langan botto ulummi.

KADIBILANGAN 33:56

Manassa la Kupogaurangkomi, susitu mangka Kutangnga’ la umpogau’i lako tau iato.

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

PA’TOLE 28:15

apa iake tae’i muperangii tu gamaranNa PUANG, Kapenombammu, sia tae’ mukaritutui tonganni tu mintu’ pepasanNa sia iatu aluk Napondok, tu kupapassanangko allo iate, manassa la narampoiko sia naruako te mintu’ pa’tampak ropu,

PA’TOLE 28:2

Inde sia tu mintu’ kamasakkean la urrampoiko sia la mupotaa, ke muperangii tu gamaranNa PUANG, Kapenombammu,

PA’TOLE 28:20

Iatu PUANG la umparampoangko tampak ropu, kamarukkan sia pa’pagarrak lan mintu’ apa mutoe sia apa mukarang, muurungan disabu’i sia disanggangi madomi’ natumang tu kakadakeanna penggaurammu, belanna mangkaMo’ mutampe.

PA’TOLE 28:45

Iate mintu’ pa’tampak ropu la urrampoiko sia la urrundu’ko sia unta’paiko, ammu mangsan, belanna tae’ muperangii tu gamaranNa PUANG, Kapenombammu, sia tae’ mukaritutui tu mintu’ pepasan sia aluk Napondok, tu mangka Napapassanangko.

1 TESALONIKA 5:4

Apa iatu kamu, e sangsiulurangku, tae’ ammi lan kamalillinan, sae lako narampoimmi tu allo iato susi misa’ to boko.