ZAKHARIA 1:3 - Sura' Madatu

³ apa pokadai lako tau iato mai, kumua: Inde sia tu kadanNa PUANGna mintu’ ma’dandan maritik, Nakua: Mengkatoba’komi lako Kaleku, kadanNa PUANGna mintu’ ma’dandan maritik, angKu sule lako kalemi, kadanNa PUANGna mintu’ ma’dandan maritik.

ZAKHARIA 1:3 ပူးပေါင်းရင်းမြစ်များ

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

2 OSSORANNA DATU 15:4

Apa iake lanni kapussakanna tu tau iato mai, anna sule lako PUANG, Kapenombanna to Israel, sia nadaka’, manassa la naappa’.

NEHEMIA 9:28

Apa iake rapa’omi, umpogau’omi kadake dio oloMi, iamoto Mieloranni tu tau iato mai tama limanna ualinna, naurungan umpopengkanorongi tu tau iato mai. Apa iake meongli’omi tu tau iato mai lako Kalemi, Miperangiimi dao mai suruga sia pembuda Mirampanan tete dio kamamaseamMi.

AYUB 22:23

Iake mengkatoba’moko lako To umpoissan angge maritik, la dibangunmoko; iake mupatoyangi tu katangmaloloan dio mai tendamu,

YESAYA 31:6

Mengkatoba’komi lako Kalena, tu mambela lalanmo nanii to Israel sorong boko’.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YEREMIA 12:15

Apa iangKu mangka ussintakki tu tau iato mai, la Kukamasei pole’ sia pada la Kubaa sule lako mana’na sia lako padangna.

YEREMIA 25:5

Ianna ma’kada tu tau iato mai, nakua: Pantan mengkatoba’komi untampe lalan kadakemi sia umboko’i penggauran kadakemi, ammi ma’din umpa’tondokki tu padang Nakamaseangkomi PUANG sia lako nene’ to dolomi misituran-turananni.

YEREMIA 3:1

(Saemi kadanNa PUANG urrampoina’, nakua): Iake denni misa’ muane untantang bainena, anna male napobainei to senga’, la ma’dinraka tu muane dolona ussulei? Tae’raka nala maruttak tu tondok napobua’? Apa moi muma’gau’ salamo sola buda pa’gau’ sala, la susi bangrokoka to sule lako Kaleku? kadanNa PUANG.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

YEREMIA 35:15

Sia Kusua lako kalemi tu mintu’ taungKu, iamotu mintu’ nabi ke makale’ sia ke karoen umpokadai, kumua: Pada la mengkatoba’komi dio mai mintu’ lalan kadakemi sia pemeloi tu mintu’ penggaurammi sia damo mituru’ kapenomban senga’ la umpenombai; iake susito la tontongkomi lan tondok, tu Kukamaseangkomi sia nene’ to dolomi. Apa tae’ duka mitananni talinga sia tae’ miperangiiNa’.

YEREMIA 4:1

Iake la mengkatoba’ko e Israel, kadanNa PUANG, ma’dinko sule lako Kaleku sia ia ke mutibei tu apa megallian dio mai pentiroKu, manassa tae’mo mula mallai,

YEHEZKIEL 18:19

Apa mikua: Ma’apai anna tae’ natanggungi anakna tu kakadakeanna ambe’na? Tonganna iatu anak iato umpogau’i tu salunna sia kamaloloan, nakaritutui tu mintu’ apa Kupondok sia naturu’; manassa la tuo.

YEHEZKIEL 18:31

Tibei dio mai kalemi tu sala mangka mipogau’, ammi ba’rui tu ba’tengmi sola penaammi. Ma’apari ammi la matera, e to Israel?

YEHEZKIEL 18:32

Belanna tae’ naalai penaangKu tu kamateanna to la mate, kadanNa Puangta PUANG; iamoto balikkomi, ammi tuo.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

YOËL 2:12

Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

MALEAKHI 3:7

Randuk dio mai linona nene’ to dolomi, miboko’imo tu apa Kupondok sia tae’mo mikaritutui. Sulemokomi lako Kaleku, angKu sule duka lako kalemi, kadanNa PUANGna mintu’ ma’dandan maritik. Apa mikuaora: Bannang apara angki la sule?