ZAKHARIA 1:20 - Sura' Madatu

²⁰ Mangkato Napakitammo’ PUANG tu pande bassi a’pa’.

ZAKHARIA 1:20 ပူးပေါင်းရင်းမြစ်များ

OBAJA 1:21

Iatu to mangrampanan la kendek langngan buntu Sion, sia la unnukung buntunna Esau, na iatu kadatuan iato PUANG umpoissanni.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

1 SAMUEL 12:11

Nasuami PUANG tu Yerubaal sia Barak sia Yefta sia Samuel, ullendokangkomi lan mai limanna mintu’ ualimmi tiku lao, miurunganni torro marampa’.

TO PARENGNGE’ 11:18

Mangkato tarru’ bangmi unnola padang pangallaran ullilingi tondok Edom sia tondok Moab, anna rampo dio rampe matallona tondok Moab sia ma’tenda sambalinna lu salu Arnon, apa tae’ natama lili’na Moab tu tau iato mai, belanna iatu salu Arnon iamo katonanna Moab.

TO PARENGNGE’ 11:16

Belanna tonna ke’de’ dio mai Mesir, tarru’ bangmi tu to Israel unnola padang pangallaran sae lako tasik Teberau anna rampo lako Kadesh.

PA’TOLE 33:25

Na bassimora sia tambaga muposalliran, nakamatotorammumora la pada lambe’ sunga’mu.

YESAYA 44:12

Iatu pande bassi unnampui uase, sia sila’da’ lan to’ ruaya, untampa rapang-rapang dipodeata unnoyong pepa’tong sia nakombong lima mawatangna, tang mekatopo sia tang mekata’ka’, tang unniru’ uai, naurunganni tang pa’bela.