ZAKHARIA 1:2 - Sura' Madatu

² Lendu’ tongan sengkeNa PUANG lako nene’ to dolomi,

ZAKHARIA 1:2 ပူးပေါင်းရင်းမြစ်များ

2 DATU 22:19

belanna malamma’ tu penaammu sia umpamadiongangko kalemu dio oloNa PUANG, tommu mangka urrangii tu apa mangka Kupokada diona te inan iate sia iatu to torro lan, kumua la metakuran sia tampakan ropu, sia belanna usserek-serekko tamangkalemu sia tumangi’ dio oloKu, iamoto Kuperangii dukako, kadanNa PUANG.

2 DATU 23:26

Apa moi susito tae’ duka natibalik tu PUANG dio mai kare’dekan kapuaNa, tu dukku ma’lulu-lulu urrampoi Yehuda diona mintu’ pa’di’ penaa tu napa’dikanNi Manasye.

EZRA 9:13

Iatonna mangkamo tu mintu’ apa iato rampo lako kaleki napobua’ penggauran kadakeki sia kasalan kapua, anna Kamu, o Kapenombangki, umpasosso’i tu ukungan sipatunna la urrampoikan, sia ungkamaseangkan buda tongan tau dirampanan,

PA’PUDIAN 60:1

Lu lakona pangala sengo. Unturu’ baenan sengo: Bunga bakung sukaran aluk. Misa’ ianan ballona Daud, napa’pangadaran lako tau.

YEREMIA 32:23

Apa iatonna tamamo tu tau iato mai sia untarimai la napomana’, tae’ naperangii tu gamaramMi sia tae’ naturu’i tu Sukaran alukMi; moi misa’ tu mintu’ pepasanMi lako kalena tae’ napogau’i; iamoto Miparampoi kamandasan tu tau iato mai.

YEREMIA 44:6

Iamoto anna tibarrakmo kare’dekanna ara’Ku sia kasengkeangKu, sia ma’lana-lana lan lu mintu’ kota Yehuda sia dio lu batatta Yerusalem, naurungan daun lauan nasangmo, sia mempadang lo’bangmo susite allo iate.

BATING 5:7

Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

YEHEZKIEL 22:31

Iamoto Kubarrakan kasengkeangKu lako tau iato mai; sia Kupapurai api kare’dekan ara’Ku; iatu gau’na Kupasule langngan botto ulunna, kadanNa Puangta PUANG.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

ZAKHARIA 1:15

apa lendu’ ia mare’dekna ara’Ku lako tu mintu’ bangsa matampo, tu patunduan mepalulako kakadakean, moi tae’ namandu tu kasengkeangKu.

ZAKHARIA 7:12

Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

ZAKHARIA 8:14

Belanna inde sia tu kadanNa PUANGna mintu’ ma’dandan maritik, nakua: Susimoto tu tanan penaangKu la umparampoikomi kamandasan, tonna pare’dekki nene’ to dolomi tu ara’Ku, kadanNa PUANGna mintu’ ma’dandan maritik, Kuurunganni tang menassanmo,

PENGGAURANNA RASULU’ 7:52

Umbara tu nabi tang napakario-rio nene’ to dolomi? Napatei duka tu mintu’ to umpokada doloi tu diona kasaeanNa tu To malambu’, tu mane mangka mipa’peturoan sia mipatei.