ZAKHARIA 1:16 - Sura' Madatu

¹⁶ Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

ZAKHARIA 1:16 ပူးပေါင်းရင်းမြစ်များ

AYUB 38:5

Mindara umpamanassai suka’na’? Inang muissan tu iannato! Ba’tu mindara tu unne’teranni ulang pesuka’?

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

YESAYA 34:11

Sangadinna padang iato napoinan mundan sia kayo, na langau sia kadoya la torro lan, sia Nae’te’ Puang tu ulang pesuka’ kataloan daona lu sia batu petimbang kamakarorrongan.

YEREMIA 30:18

Nakua kadanNa PUANG: La Kupopembali tu a’ganna tendana Yakub sia la Kukaturu-turui tu inanna: Iatu kota iato la dibangun sule dao tanete daun lauanna sia iatu tongkonan layuk la bendan dio inanna siamo.

YEHEZKIEL 40:3

Iatonna mangkamo ussolanna’ inde to lako, kutiromi inde to dio tu misa’ muane, susi tambaga rupanna, naden ulang lenang sia tekken pesuka’ lan limanna; bendan lan babangan.

YEHEZKIEL 47:3

Iatonna sunmo tu tau ma’palulako rampe matallo untangke misa’ ulang pesuka’, nasuka’i sangsa’bu siku sia napalumingkana’ diong to’ uai; iatu uai angge buku tara tu mandalanna.

YEHEZKIEL 48:35

Iatu mengguririkna lao sangpulo karua sa’bunna siku; naranduk dio mai allo iato iatu kota la disangai: Naisungi PUANG.

HAGAI 1:14

Napatiakka’mi PUANG tu penaanna Zerubabel, anakna Sealtiel, to maraya Yehuda, sia penaanna Yosua, anakna Yozadak, tominaa kapua, sia penaanna mintu’ to buda, tu torronapa, anna sae tu tau iato mai ungkarangi tu pengkarangan dio banuanNa PUANGna mintu’ ma’dandan maritik, Kapenombanna tau iato mai,

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

ZAKHARIA 4:9

Mangkamo naoton Zerubabel te parandanganna te Banua iate, naia duka la ussundunni, ammi issanni kumua Nasuana’ PUANGna mintu’ ma’dandan maritik lako kalemi.

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.