ZAKHARIA 1:11 - Sura' Madatu

¹¹ Mebalimi tu tau iato mai lako Malaeka’Na PUANG, tu bendan dio lu tangngana mintu’ garonto’ murdu’, nakua: Mangkamo kilelei tu lino, manassa iatu mintu’ lino marampa’ tongan.

ZAKHARIA 1:11 ပူးပေါင်းရင်းမြစ်များ

AYUB 1:7

Ma’kadami tu PUANG lako deata bulituk, Nakua: Umbara tu munii sae? Mebalimi tu deata bulituk lako PUANG, nakua: Sulena’ salamba salao sia lu lako lu dio mai lan lino.

PA’PUDIAN 68:17

E mintu’ buntu ma’botto-botto, ma’apari ammi sambiri matai, tu buntu Naturo ta’ba Puang Matua Nanii torro? Ondongpi la mari’pi sae lakona inde to tu Puang Matua.

YESAYA 14:7

Iatu mintu’ issinna lino la marampa’ sia manaman; tau iato mai unnarrak parannu.

DANIEL 10:20

Ma’kadami nakua: Mutandairaka, ma’apari kusaera lako kalemu? Ta’pa’ la sulena’ sirari arungna to Persia, na iake tassu’mo’ inde to dio mai, manassa la saemo tu arungna tondok Yunani;

ZAKHARIA 1:10

Mebalimi tu to bendan dio lu tangngana mintu’ garonto’ murdu’, nakua: Iamo te tu Nasua PUANG male ullelei tu lino.

ZAKHARIA 1:15

apa lendu’ ia mare’dekna ara’Ku lako tu mintu’ bangsa matampo, tu patunduan mepalulako kakadakean, moi tae’ namandu tu kasengkeangKu.

ZAKHARIA 1:8

Iatonna bongi kutiromi den misa’ muane ussakei darang balibi, anna tadang dio lu tangngana mintu’ garonto’ murdu’ dio to’ inan madiong, sia dio boko’na den ba’tu pira-pira darang balibi, pilla’ sia busa’ dio boko’na.

ZAKHARIA 6:7

Tassu’mi tu darang mawatang, morai male ullelei te lino; ma’kadami Nakua: Malemokomi ullelei te lino. Malemi ullelei te lino.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 13:49

Susimo la dadi to ke katampakannai lino: mintu’na malaeka’ la sun ussarakki tu mintu’ to kadake dio mai to malolo penaanna.

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.