YUNUS 4:5 - Sura' Madatu

⁵ Tassu’mi tu Yunus lako salian kota, anna unno’ko’ dio rampe matallona kota; unggaragammi kalena misa’ lantang inde to dio, namale unno’ko’ dio to’ karionganna, kumua anna tiroi apa la urrampoi tu kota iato.

YUNUS 4:5 ပူးပေါင်းရင်းမြစ်များ

1 DATU 19:13

Iatonna rangimi Elia, tu iannato, nabungku’mi bayu lamba’na tu lindona, tassu’mi anna bendan dio ba’ba lo’ko’. Pakalan saemi tu gamara nakua: Ma’aparoko indete, Elia?

1 DATU 19:9

Urrampoimi misa’ lo’ko’, anna torro ma’bongi lan. Ta’kala saemi tu kadanNa PUANG lako kalena, Nakua: Ma’aparoko indete, Elia?

YESAYA 57:17

Belanna kakadakean kabarakanna tau iato mai, anna pare’dekki tu ara’Ku, angKu pata’pai lima sia belanna kare’dekangKu angKu pentilindunganni. Apa moi nasusito, memboko’ duka dio mai Kaleku sia unturu’ lalan penaanna.

YEREMIA 20:9

Iake ma’kadana’ kukua: Tae’mo kula ungkilalai tu PUANG sia tae’mo kula ma’kada tete dio sanganNa, dadimi lan penaangku tu susi api dukku, tu ussitutu’i kaleku umpatananni, apa tang kukulle.

YUNUS 1:5

Mataku’mi tu mintu’ to ma’kappala’ sia pantan metamba lako deatanna, sia iatu apa nabaa kappala’ napembuangammo rokko tasik la umpamaringanni tu kappala’. Apa iatu Yunus mengkalaomo rokko sulluk kappala’, anna bambangan kalena diong sia leppeng mamma’.

YUNUS 4:4

Ma’kadami tu PUANG Nakua: Sipaturokoka la sengke susito?

YUNUS 4:6

Napadenmi PUANG Kapenomban misa’ kayu pallan, tuo dao patunna Yunus, kumua naonganni tu ulunna, la umpakatanai dio mai kamasussanna. Mandumi napoparannu tu kayu pallan iato.