YUNUS 4:11 - Sura' Madatu

¹¹ Bua’raka Ku la tang ungkasayangi tu Niniwe, kota kapua iato, tu nanii tau la’bi saratu’ duangpulo sa’bu, tu to tang untandaipa umpasisengaranni tu lima kananna na lima kairinna, sia iatu mai patuoan makamban?

YUNUS 4:11 ပူးပေါင်းရင်းမြစ်များ

KADADIAN 9:10

sia mintu’ angge menono’ tu misolan, tu mai manuk-manuk na mintu’ patuoan sia mintu’ olo’-olo’ marira lan lino tu misolan, tu mintu’ olo’-olo’ lan lino tassu’ lan mai lembang.

PA’PUDIAN 104:14

Napakendek tu riu napotuoi olo’-olo’, sia iatu mai tananan la naposara’ tolino, anna pabu’tui tu tobangan kollong diong mai kuli’na padang.

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

YESAYA 37:37

Sangtiangkarammi sule tu Sanherib, datu Asyur, anna torro dio Niniwe.

YESAYA 7:16

Belanna iake tae’pi anna issanni te pia iate ussuale kadakena anna alai tu maelona, manassa la lo’bangmo tu tondokna da’dua datu mikataku’.

YUNUS 1:2

Ke’de’ko ammu male lako Niniwe, tu kota kapua ammu pokadanni tu kamandasanna, belanna iatu kakadakeanna kendekmo dio oloKu.

YUNUS 3:10

Iatonna tiromi Puang Matua tu penggauranna tau iato mai, kumua mengkatoba’mo dio mai lalan kadakena, Napenassannimi Puang Matua tu kamandasan, tu Napokada la Naparampo lako tau iato mai, sia tae’mo Napogau’i.

YUNUS 4:10

Ma’kadami tu PUANG Nakua: La mukasayangi te kayu pallan iate, tu tang mukara’ta’i sia tang mupatuo, tu sangbongiri tuo, sia sangbongi dukari anna pa’de.

MATIUS 18:33

Tang sipaturokoka la unnala mase solamu susi aku mangka unnala maseko?

PA’TOLE 1:39

Iatu anakmi tu bitti’pa, tu mipokada a’ganna, kumua la dipopangrampa, – sia iatu mintu’ anakmi muane, tu tang untandaipa melo sia kadake, manassa la rampo dio, ondongpi lako kalena la Kunii ussorongi sia la napoapamo.