YUNUS 3:8 - Sura' Madatu

⁸ Sangadinna iatu mai tau sola patuoan la ma’pakean karung sia la napemandui metamba-tamba lako Puang Matua sia la pantan mengkatoba’ dio mai lalan kadakena sia kamasa’garan tu dio limanna.

YUNUS 3:8 ပူးပေါင်းရင်းမြစ်များ

AYUB 16:17

moi anna tae’ pa’pakario-rio dio limangku sia masero tu passam- bayangku.

AYUB 36:10

sia Nabungka’ tu talinganna tau iato anna perangii tu pangadaran, sia Nasua mengkatoba’ dio mai kakadakean.

YESAYA 58:6

Tangiaraka te tu puasa Kuporai kumua: bukai tu pepungo kadake sia ko’karanni tu pepori ayoka, musua marampa’i male tu mintu’ to dipandasa, ammu rebong-rebongi tu mintu’ ayoka?

YESAYA 59:6

Iatu bannang laa-laa natannun, tae’ gai’na dipotamangkale, na iatu panggaraganna tae’ nakullei umpopakei; iatu penggauranna penggauran kakadakean sia iatu pa’pakario-rio lan limanna.

YEREMIA 18:11

Totemo pokadai te lako mintu’ to Yehuda sia lako mintu’ to lan Yerusalem, kumua: Inde sia tu kadanNa PUANG Nakua: Manassa Kuparandanmo tu kasanggangan lako kalemi sia Kutangnga’mo tu la miposanggangna; iamoto pada mengkatoba’komi dio mai lalan kadakemi sia pemeloi tu kedomi sia penggaurammi.

YEREMIA 25:5

Ianna ma’kada tu tau iato mai, nakua: Pantan mengkatoba’komi untampe lalan kadakemi sia umboko’i penggauran kadakemi, ammi ma’din umpa’tondokki tu padang Nakamaseangkomi PUANG sia lako nene’ to dolomi misituran-turananni.

YEREMIA 26:3

Den sia manii upa’ nama’perangi tu tau iato mai anna pantan mengkatoba’ dio mai kakadakeanna, angKu urunganni menassan la umparampoi kamandasan tu Kutangnga’, belanna kakadakeanna gau’na.

YEREMIA 36:3

Den sia manii upa’ naperangii bangsa Yehuda tu mintu’ kamandasan tu Kusanga la Kuparampoanni, anna pada mengkatoba’ tu tau iato mai dio mai lalan kakadakeanna, angKu pa’dei kakadakeanna sia kasalanna.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

YOËL 1:14

Pamaindanni tu misa’ allo pa’puasan, pasirampunni tu misa’ kasirampunan kamenomban; e kamu pekaamberan, rampunni tu mintu’ tau lan tondok lako banuanNa PUANG, Kapenombammi sia metamba-tambakomi lako PUANG.

YUNUS 1:14

Attu iato metambami tu tau iato mai langngan PUANG, nakua: O PUANG, ke ma’dinni, da kisanggang diona penaanna te tau iate sia da Mipapassannikan tu rarana to tang kasalan, belanna Kamu, o PUANG, Mipogau’mo tu apa naala penaamMi.

YUNUS 1:6

Saemi tu kapiteng kappala’ umpellambi’i, nama’kada lako nakua: Ma’apai mileppeng bang mamma’! Millikkomi, ammi metamba lako deatammi, nakilalai siaki’ manii tu deata iato, da anta sanggang.

MATIUS 3:8

Iamoto dadi pasombomi tu bua sitinaanna katobaran.

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.