YUNUS 3:4 - Sura' Madatu

⁴ Naparandukmi Yunus ullingkai tu kota iato lan kalingkan sangallo, anna ma’pakilala sia ma’kada nakua: Patangpulopa allona nadisanggang-sanggang tu Niniwe!

YUNUS 3:4 ပူးပေါင်းရင်းမြစ်များ

2 DATU 20:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos, mennolo lako datu, anna ma’kada nakua: Inde sia tu kadanNa PUANG: Mepasanmokomi lako mintu’ to lan tongkonan layukmi, belanna la matekomi sia tae’mo mila tuo.

2 DATU 20:6

La Kurangngannipa tu kadadiammu sangpulo lima taunna, sia la Kulendokangko sola te kota iate lan mai kuasanna datu Asyur sia la Kurinding pala’ te kota iate, belanna sangangKu sia belanna Daud, taungKu.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

YEREMIA 42:10

Iake mareso’komi torro lan padang iate, la Kubangunkomi sia tae’ Kula urro’pokkomi, sia la Kutanan sia tae’ Kula undu’dukkikomi, belanna Kupenassannimo tu kakadakean mangka Kupogau’ lako kalemi.

YUNUS 3:10

Iatonna tiromi Puang Matua tu penggauranna tau iato mai, kumua mengkatoba’mo dio mai lalan kadakena, Napenassannimi Puang Matua tu kamandasan, tu Napokada la Naparampo lako tau iato mai, sia tae’mo Napogau’i.

MATIUS 12:41

Iake allo kadiparessan la ke’de’ tu to Niniwe sisola tau totemo te sia la napasala, apa mengkatoba’mo belanna pangadaranna Yunus; anna tiromi, inde Ia tu ondongna na Yunus.

LUKAS 11:30

Belanna susi Yunus mendadi misa’ tanda lako to Niniwe, la susi dukato tu Anak rampan dilino lako tau totemo te.

LUKAS 11:32

Iake allo kadiparessan, la ke’de’ tu to Niniwe sola te mintu’na tau totemo te, anna pasalai, belanna mengkatoba’ untarimai tu pangadaranna Yunus na inde Ia tu ondongna na Yunus.

PA’TOLE 18:22

Iake ma’kadai tu misa’ nabi tete dio sanganNa PUANG, anna tae’ nadipalanda’ tu kadanna sia tae’ nabuai, manassa apa iato misa’ kada tang Napokada PUANG. Matampo penaanna tu nabi iato, anna pokadai tu iannato, da mukataku’i tu nabi iato.