YUNUS 2:9 - Sura' Madatu

⁹ Apa iatu aku, la memala’na’ lako Kalemi dipasituang pa’pudi-pudian, sia la Kusundunni tu pangallonan, tu mangka kuallu’. Kadirampanan iato lu dio mai PUANG.

YUNUS 2:9 ပူးပေါင်းရင်းမြစ်များ

KADADIAN 35:3

Maikomi tamale sau’ Betel, belanna la unggaragana’ misa’ inan pemalaran lako tu Kapenomban untandingina’ talinga tonna lambi’na’ kamaparrisan sia urrondongna’ dio lu lalan kuolai.

2 SAMUEL 15:7

Iatonna upu’mo patangtaun, ma’kadami Absalom lako datu, nakua: La naeloranna’ puangku male lako Hebron, belanna la umpalesso’na’ pangallonangku lako PUANG.

AYUB 22:27

Iake massambayangko langngan Puang, la Naperangiiko, sia la mupalesso’ tu pangallonammu lako Puang.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

PA’PUDIAN 3:8

Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

PA’PUDIAN 68:20

Mintu’na kadipudian lu langngan Puang; tu urrande pala’ki’ kiallo-kiallo. Iamo Kapenomban, oto’na kasalamaranta. Sela

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

YESAYA 45:17

Apa iatu to Israel la Nala’bak PUANG pela’bak matontongan; tae’ ammi la kasirisan sia matuna tontong sae lakona.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

YOHANES 4:22

Manassa kamu te umpenombaikomi apa tang mitandai; kami kami umpenombaikan apa kitandai; belanna iatu kadikarimmanan lu dio mai to Yahudi.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.

IBRANI 13:15

Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

KADA OMBO’ LAKO RASULU’ YOHANES 7:10

metamba-tambami umpekapuai gamaranna nakua: Mintu’na kadipangkeran lu lako Puang Matua tu unno’ko’ dao isungan kapayungan, sia lako Anak domba, oto’na kamakarimmanan.

1 SAMUEL 12:21

Da misepang unturu’ apa tang kebattuan, tu tae’ gai’na sia iatu tae’ nabelai patunduan, belanna tang kebattuan.