YUNUS 1:8 - Sura' Madatu

⁸ Ma’kadami tu tau iato mai lako Yunus, nakua: Pokadangkanni kumua minda napobannang anna rampoiki’ tu kasanggangan iate, apara tu pengkarangammi, umbara minii sae, tondok apara tu minii sia mindara tu bangsami?

YUNUS 1:8 ပူးပေါင်းရင်းမြစ်များ

KADADIAN 47:3

Ma’kadami tu Firaun lako siulu’na Yusuf nakua: Apara tu pandakarammi? Nakuami tu tau iato mai lako Firaun: Iatu kami sola nasang to manglaa dombakan sia bembe’ la kami la to doloki.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.

YOSUA 7:19

Ma’kadami tu Yosua lako Akhan, nakua: E anakku, pangke’i tu PUANG, Kapenombanna to Israel, ammu mangaku lako; pokadanna’ tu apa mupogau’, da mubunianna’.

1 SAMUEL 14:43

Nakuami Saul lako Yonatan: Pokadanna’, apara tu penggaurammu. Napokadammi Yonatan lako, nakua: Uai tani’ manna kulepa’ sidi’, kutossok tampak tekken kutoe. Inde siana’: tae’ kupomatana’i tu la mate.

1 SAMUEL 30:13

Mangkato nakuami Daud lako: Mindarako tau te sia umbara munii sae? Mebalimi tu to Mesir: Aku te to Mesir, to mangurana’, kaunanna misa’ to Amalek. Natampena’ puangku, belanna tallungallomo’ masaki.