YUNUS 1:6 - Sura' Madatu

⁶ Saemi tu kapiteng kappala’ umpellambi’i, nama’kada lako nakua: Ma’apai mileppeng bang mamma’! Millikkomi, ammi metamba lako deatammi, nakilalai siaki’ manii tu deata iato, da anta sanggang.

YUNUS 1:6 ပူးပေါင်းရင်းမြစ်များ

2 SAMUEL 12:22

Nakuami datu: Iamo kuma’puasa sia tumangi’ tonna tuo siapa tu pia, belanna kutangnga’, lan penaangku, kumua: Diisanraka, Nakamasei siana’ manii PUANG, anna tuo tu pia.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

PA’PUDIAN 107:6

Iatonna iato meongli’mi langngan PUANG tu tau iato mai lan kamandasanna, anNa rampananni dio mai kamaparrisanna.

PA’PUDIAN 78:34

Iatonna pateimi tu tau iato mai, maneri naanga’ tu Puang, anna tibalik pakkan undaka’ Puang Matua.

YESAYA 3:15

Apara bannangna ammi lullu’ parapari tu taungKu sia ammi bala’-bala’ to mandasa? KadanNa Puang, PUANGna mintu’ ma’dandan maritik.

YEHEZKIEL 18:2

Umbara mikua ammi poparumbasanni te parumbasan iate dio tondok Israel kumua: Mintu’ ambe’ ungkande bua anggoro’ mamata, anna anakna langgang issinna?

YOËL 2:11

Napakapua PUANG tu gamaranNa, dio tingayona mintu’ surodadunNa, belanna lendu’ ia budanna tu surodadunNa; iatu surodadunNa mawatang umpalalo kadanNa; ondongpi iatu alloNa PUANG kapua sia tarru’ metakuran! Mindara ma’din la umpatananni?

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

YUNUS 3:8

Sangadinna iatu mai tau sola patuoan la ma’pakean karung sia la napemandui metamba-tamba lako Puang Matua sia la pantan mengkatoba’ dio mai lalan kadakena sia kamasa’garan tu dio limanna.

YUNUS 3:9

Mindara unnissanni den sia manii upa’ natibalik tu Puang Matua sia menassan, anna pasalai penaa tu kasengkean dukkunNa, naurunganni tae’ anta sanggang.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.

ROMA 13:11

Tenmito, belanna miissanmo tu diona attunna, kumua nalambi’mo tu attu la minii ta’pa malimbangun dio mai kamammarammi. Belanna totemo samandappi’-dappi’namo tu kamakarimmanan lako kaleta na iatonta mane ma’patongan.

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.