YUNUS 1:5 - Sura' Madatu

⁵ Mataku’mi tu mintu’ to ma’kappala’ sia pantan metamba lako deatanna, sia iatu apa nabaa kappala’ napembuangammo rokko tasik la umpamaringanni tu kappala’. Apa iatu Yunus mengkalaomo rokko sulluk kappala’, anna bambangan kalena diong sia leppeng mamma’.

YUNUS 1:5 ပူးပေါင်းရင်းမြစ်များ

1 DATU 18:26

Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

AYUB 2:4

Apa mebali tu deata bulituk lako PUANG, nakua: Kuli’ dipasondana kuli’ sia mintu’ apa naampui tau la nasorong belanna katuoanna.

PA’PUDIAN 107:25

Ma’kadami umpasae angin bara’, tu umpakapua mintu’ bombangna.

PA’PUDIAN 148:8

E api, sia uran batu sia ambun makko na rambu roya, e angin bara’, tu umpalolang kadanNa Puang.

TOMANGADA’ 3:6

Den tu attu dinii mandaka’ sia den tu attu dinii ma’pa’dean, den tu attu dinii manganna sia den tu attu dinii massuale.

YESAYA 45:20

Sipulungkomi ammi pada sae mengkareke’, e kamu tu tilendokmo dio mai ma’rupa-rupa bangsa. Tae’ tangnga’na tu tau iato mai tu umbaa rapang-rapang dipodeata kayu anna penombai tu deata tang nakulle patunduan.

YEREMIA 2:28

Umba nasangmira nanii attu iato tu mintu’ rapang-rapang mupodeata tu mangka mugaraga? Melo ke bendanni tu tau iato mai, nakulle sia manii urrampanangko, ke allo kamaparrisammu; belanna pada bilanganna mintu’ tondokmu, pada dukato, tu mintu’ deatammu, e to Yehuda.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

YUNUS 1:14

Attu iato metambami tu tau iato mai langngan PUANG, nakua: O PUANG, ke ma’dinni, da kisanggang diona penaanna te tau iate sia da Mipapassannikan tu rarana to tang kasalan, belanna Kamu, o PUANG, Mipogau’mo tu apa naala penaamMi.

YUNUS 1:16

Lendu’mi mataku’na tu tau iato mai lako PUANG, natunui tu pemala’ dipemalaran lako PUANG sia unnallu’ ba’tu pira-pira pangallonan.

YUNUS 1:6

Saemi tu kapiteng kappala’ umpellambi’i, nama’kada lako nakua: Ma’apai mileppeng bang mamma’! Millikkomi, ammi metamba lako deatammi, nakilalai siaki’ manii tu deata iato, da anta sanggang.

MATIUS 25:5

Iatonna marempamo sae tu to la diparampo tikkaru’du’mi sola nasangi, anna mamma’.

MATIUS 26:43

Iatonna sule pole’omo, mamma’omo Nakarampoi, belanna maga’sak tu matanna.

MATIUS 26:45

Namane sule lako anak gurunNa sia Nakua ungkuanni: Mamma’ bangmokomi ammi pamondo ta’ka’mi; totemo mandappi’mo attunna la disorong tu Anak rampan dilino lako to kadake.

PENGGAURANNA RASULU’ 27:38

Iatonna dia’mo tu tau, dipembuangammi rokko tasik tu gandung kumua naunnayang tu kappala’.

TO PARENGNGE’ 16:19

Napamamma’mi Delila tu Simson diong to’ guntu’na, natambai tu misa’ tau anna suai ungku’ku’i tu pitu beluak tiampinni’na. Susimoto nanii umpatundukki, belanna iatu kamatotoranna soro’mo dio mai kalena.

1 SAMUEL 24:3

Nasolammi Saul tallungsa’bu tu to ditonno’ dio mai mintu’ to Israel, anna male undaka’ Daud sola mintu’ taunna sikandappi’ buntu batu Bembe’ lampung.