YUNUS 1:17 - Sura' Madatu

¹⁷ Belanna panglampakNa PUANG denmo misa’ bale kapua unnampello’i tu Yunus, anna torro tu Yunus lan tambuk bale iato tallung allo tallung bongi.

YUNUS 1:17 ပူးပေါင်းရင်းမြစ်များ

KADADIAN 1:21

Napadadimi Puang Matua tu bale kapua sia mintu’ olo’-olo’ sisayoan, tu sibi’tokan lan to’ uai, situru’ a’ganna, sia mintu’ manuk-manuk kepani’ situru’ a’ganna. Natiroi Puang Matua, kumua melo.

YUNUS 2:10

Mangkato Nasuami PUANG tu bale iato ulluai tu Yunus langngan karangkeanna.

YUNUS 4:6

Napadenmi PUANG Kapenomban misa’ kayu pallan, tuo dao patunna Yunus, kumua naonganni tu ulunna, la umpakatanai dio mai kamasussanna. Mandumi napoparannu tu kayu pallan iato.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

MATIUS 16:4

Misa’ bangsa kadake sia pasandak salu lako rampanan kapa’ la morai bang ungkita tanda kakuasan, anna tae’ nala diben tanda, sangadinna tanda kalle-kallean diona nabi Yunus. Natampemi tu tau iato, Namale.

LUKAS 11:30

Belanna susi Yunus mendadi misa’ tanda lako to Niniwe, la susi dukato tu Anak rampan dilino lako tau totemo te.