YUNUS 1:16 - Sura' Madatu

¹⁶ Lendu’mi mataku’na tu tau iato mai lako PUANG, natunui tu pemala’ dipemalaran lako PUANG sia unnallu’ ba’tu pira-pira pangallonan.

YUNUS 1:16 ပူးပေါင်းရင်းမြစ်များ

KADADIAN 28:20

Mangallonammi tu Yakub nakua: Iake Narondong siana’ Puang Matua sia Narinding pala’na’ dio lalan, tu kuolai totemo te sia Nabenna’ la kukandena sia tamangkale la kupake,

KADADIAN 8:20

Nagaragami Nuh tu misa’ inan pemalaran nanii memala’ lako PUANG, anna alai dio mai mintu’ patuoan tang dipemalianna sia manuk-manuk tang dipemalianna anna pemalaran pantunu pu’pu’ dao inan pemalaran iato.

2 DATU 5:17

Nakuami Naaman: Ianna tae’ mitarimai te, kupalaku mibenni taummi tu litak silasanna nabaa sangayoka bagala’, belanna iatu taummi, tae’mo nala umpemalaran pemala’ ditunu pu’pu’ ba’tu pemala’ pangrere’ – lako kapenomban senga’, sangadinna lako mannamo PUANG.

AYUB 37:24

Iamoto Nakataku’i ma’rupa tau tu Puang, apa iatu to tang ma’perangi moi misa’ tae’ Natiroi Puang.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 116:14

La umpalesso’na’ mintu’ pangallonangku lako PUANG, dio olona mintu’ taunNa.

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

TOMANGADA’ 5:4

La’biran da pissan mumangallonan, ke la tae’mira mupalesso’i tu pangallonammu.

YESAYA 26:9

Kalebu tallang tu penaangku lan ungkamali’Komi ke bongi, ondongpi iatu ba’tengku lan undaka’ bangKomi; belanna iake rampomi tama lino tu mai ukungamMi, attu iato mintu’ issinna lino umpelada’i kamaloloan.

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

YUNUS 1:10

Mataku’ tonganmi tu tau iato mai, anna ma’kada lako, nakua: Apara tu mipogau’? Belanna naissan tau iato mai, kumua mallai dio mai oloNa PUANG, belanna napokadammo tu apa iato.

YUNUS 1:14

Attu iato metambami tu tau iato mai langngan PUANG, nakua: O PUANG, ke ma’dinni, da kisanggang diona penaanna te tau iate sia da Mipapassannikan tu rarana to tang kasalan, belanna Kamu, o PUANG, Mipogau’mo tu apa naala penaamMi.

MARKUS 4:31

Susito lise’ sawi sanglise’; iake diambo’i rokko padang iamo bitti’na na iatu mintu’ lise’ diong padang;

PENGGAURANNA RASULU’ 5:11

Lendu’mi mataku’na tu mintu’ tau lan kombongan sia mintu’ tu to urrangii tu iannato.

TO PARENGNGE’ 13:16

Apa ma’kada tu Malaeka’Na PUANG lako Manoah, Nakua: Moi ammu patorroNa’ inde te, inang tae’ sia angKu la ungkandei tu kandemu. Apa iake la moraiko umpasakka’i tu iannato dipopemala’ pemala’ ditunu pu’pu’, melo ke mupemalaranni lako PUANG. Belanna tae’ naissanni Manoah, kumua Iamo Malaeka’Na PUANG to.