YUNUS 1:12 - Sura' Madatu

¹² Mebalimi lako tau iato mai nakua: Angka’na’ mipembuanganna’ rokko tasik, manassa la rapa’ tu tasik sia tae’mo nala umpandasakomi. Belanna kutandai, kumua iatu angin ma’pamumbuk sae umpandasakomi natumang salaku.

YUNUS 1:12 ပူးပေါင်းရင်းမြစ်များ

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

1 OSSORANNA DATU 21:17

Ma’kadami tu Daud lako Puang Matua nakua: Tang akuraka mesua unnia’i te mai tau? Manassa akumora tu kasalan sia umpogau’i tu apa kadake liu; apa iate mai domba, apara ia tu napogau’? O! PUANG Kapenombangku, elo’namo Mipata’paina’ lima sola tu mai sangdadiangku, apa da na iatu taumMi Mipata’pai lima la umpandasai.

AYUB 35:8

Iatu katang mekaalukammi tolino manna narua susi kamu, sia kamaloloammi umpamaupa’ ma’rupa tau.

TOMANGADA’ 9:18

Iatu kakinaan mandu melo na iatu pa’buno rari, apa misa’ to kadake gau’na ussanggangi buda apa melo.

YUNUS 1:11

Mekutanami tu tau iato mai lako nakua: Apara la kigaurangkomi, anna rapa’ tu tasik sia tae’ napandasakan, belanna samasai-sainna, samongngo’-mongngo’na tu bombangna tasik.

YUNUS 1:13

Apa iatu tau iato mai nabose tu kappala’ la napasule lako karangkean apa tang nakulle, belanna samasai-sainna samongngo’-mongngo’na tu tasik iato umpandasai.

YOHANES 11:50

tae’ duka bang misuka’i kumua den gai’na lako kalemi, ke denni tau misa’ mate ussonda pa’tondokan, ke da duka namintu’ bangsa la sanggang.

PENGGAURANNA RASULU’ 27:24

nakua: Da mumataku’, Paulus! Tae’ nasalai tang mennoloko dio olona datu kapua, tiromi Nasorongmo Puang Matua lako kalemu tu mintu’ to musolan massombaran.

YOSUA 7:12

Iamoto natae’ naattai tu to Israel bendan unnea ualinna, memboko’mo dio mai ualinna, belanna pepayuammo. Iake tae’i misabu’i tu pepayu dio lu kalemi, tae’mo Kula urrondongkomi.