YUNUS 1:10 - Sura' Madatu

¹⁰ Mataku’ tonganmi tu tau iato mai, anna ma’kada lako, nakua: Apara tu mipogau’? Belanna naissan tau iato mai, kumua mallai dio mai oloNa PUANG, belanna napokadammo tu apa iato.

YUNUS 1:10 ပူးပေါင်းရင်းမြစ်များ

KADADIAN 3:13

Ma’kadami PUANG Kapenomban lako tu baine: Apara te mangka mupogau’? Mebali tu baine: Napakenana’ ula’ angku kandei.

2 SAMUEL 24:3

Nakuami Yoab lako datu: Na PUANG, Kapenombammimora, urrangnganni te tau iate pessaratu’ manglokkon na iatu dennamo, anna matannamora puangku datu untiroi, apa ma’apai nakamorai puangku datu tu apa susite?

AYUB 27:22

Puang tang ungkasayangi umpanai, la madomi’ mallai urrampanan kalena dio mai limanNa Puang.

YUNUS 1:11

Mekutanami tu tau iato mai lako nakua: Apara la kigaurangkomi, anna rapa’ tu tasik sia tae’ napandasakan, belanna samasai-sainna, samongngo’-mongngo’na tu bombangna tasik.

YUNUS 1:3

Apa iatu Yunus ke’de’ la mallai lako Tarsis dio mai oloNa PUANG, anna male lako Yafo, nakabu’tui tu misa’ kappala’, tu la ke’de’ lako Tarsis; nabaya’mi tu sewana, anna kendek langngan kappala’ sola to ma’kappala’ la male lako Tarsis, la umpatoyang kalena dio mai oloNa PUANG.

YOHANES 19:8

Iatonna rangii Pilatus tu kada iato, samandu-mandunnami mataku’;

YOSUA 7:25

Ma’kadami tu Yosua, nakua: Susitu kami muparampoi kamandasan susi dukato la Naparampoiko PUANG kamandasan allo iate. Nasileba’-leba’imi batu mintu’ to Israel, sia naballa api, namane ullolinni batu dao.