YUDAS 1:3 - Sura' Madatu

³ E mintu’ pa’kaboro’ku, iatongku pengkullei tongan-tonganni massura’ lako kalemi diona kamakarimmananta sola, nasangami lan penaangku la massura’na’ umpakilalakomi, ammi pengkullei umpangeai tu kapatonganan dipissanni disorong lako mintu’ to masallo’.

YUDAS 1:3 ပူးပေါင်းရင်းမြစ်များ

NEHEMIA 13:25

Kusengkeimi tu tau iato mai, sia kugatai, sia ba’tu pira-pira kubamba sia kulampi’ beluakna sia kupopassumpa tete dio sanganNa Puang Matua, kumua: Da mipa’benganni tu anakmi baine sibali anakna bangsa iato sia da mialai tu anakna bangsa iato la napobaine anakmi ba’tu kumua la umpobainei.

YESAYA 45:17

Apa iatu to Israel la Nala’bak PUANG pela’bak matontongan; tae’ ammi la kasirisan sia matuna tontong sae lakona.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YEREMIA 9:3

Ma’neko-neko tu lilana susi pana digi’tingan ponno buttok sia tae’ namalambu’ ma’parenta lan lu tondok sia tae’ upu’na umpasisonda kakadakean napogau’, sia tae’ natandaiNa’ tu tau iato mai, kadanNa PUANG.

PENGGAURANNA RASULU’ 17:3

napokadan sia napamanassan kumua tae’ nasalai tang umperasai kamaparrisan tu Kristus sia malimbangun dio mai to’ to mate, nakua: Iatu Yesu kupa’peissanan lako kalemi Iamo Kristus.

PENGGAURANNA RASULU’ 18:28

Belanna kabattaranna anna tarru’i tu to Yahudi dio tingayona to buda sia napamanassan lan mai Sura’ Madatu, kumua iatu Yesu Iamo Kristus.

PENGGAURANNA RASULU’ 20:27

Belanna tae’ apa kubuni, sangadinna kupa’peissanan nasang lako kalemi tu mintu’ lalan penaanNa Puang Matua.

PENGGAURANNA RASULU’ 28:28

Iamoto la miissan kumua iate kamakarimmanan lu dio mai Puang Matua diparampo lako to kapere’; tau iamoto mai tu la umperangii.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

PENGGAURANNA RASULU’ 6:7

Sarorak-roraknami tu kadanNa Puang Matua, sia sakerangngan-rangnganna bilanganna tu to menturu’ dio Yerusalem sia lendu’ duka budanna to minaa umpengkaolai kapatonganan.

PENGGAURANNA RASULU’ 9:13

Nakuami Ananias mebali: O Puang budamo tau kunii urrangii tu diona tau iato, budamo kakadakean napogau’ lako to masallo’Na Puang dio Yerusalem.

PENGGAURANNA RASULU’ 9:22

Samandu-mandunnami batta’ penaanna tu Saulus sia iatu to Yahudi torro dio Damsyik napapussak tonna pamanassai kumua iatu Yesu iamo Kristus.

1 KORINTUS 15:3

Belanna bunga’-bunga’na kusorong lako kalemi tu apa mangka duka kutarima, tu kumua iatu Kristus mangka mate belanna kasalanta, susitu dipokadanna lan Sura’ Madatu,

GALATIA 2:5

Tae’ kimengkanorong len lako tau iato moi sattu’ duka, dikua anna tontong manda’ tu kamanapparanna Kareba-kaparannuan miallonni.

GALATIA 3:28

Tae’mo to Yahudi lan, ba’tu to Yunani, tae’mo kaunan ba’tu to makaka, tae’mo muane ba’tu baine; belanna iatu kamu sola nasang mendadi misamorokomi lan Kristus Yesu.

GALATIA 6:11

Tiromi tumba kapuana tu pangoki’, tu limangku kalena unnokirangkomi mati’.

EFESUS 1:1

Iate sura’ lu dio mai Paulus, rasulu’Na Kristus Yesu tete dio pa’poraianNa Puang Matua, diparampo lako mintu’ to masallo’ dio Efesus, to ma’patongan, lan Kristus Yesu,

PA’TOLE 21:9

Susimoto la munii umpa’dei tu rara to tang umpogau’ kasalan dio mai kamu, belanna iake susito, mupogau’ tu apa malolo dio pentiroNa PUANG.

PA’TOLE 9:10

Nabenmo’ PUANG tu da’dua papan batu, tu nasura’ tarunoNa Puang Matua, tu nanii mintu’ kada, tu mangka Napokada PUANG dao buntu lako kalemi lan mai tangnga to’ api, tonna allo kasirampunan.

FILIPI 1:1

Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.

KOLOSE 1:2

diparampo lako mintu’ to masallo’ sia lako sangsiuluran tu to ma’patongan lan Kristus, dio Kolose: narampoimorokomi kamaturu-turuan sia kamarampasan dio mai Puang Matua, Ambe’ta.

1 TESALONIKA 2:2

Tonganna kumua dolona umperasaikan kamaparrisan sia kadipakario-rioan dio Filipi, susitu miissanna, apa tete dio Kapenombanta angki barani duka umpa’peissananni tu Kareba-kaparannuanNa Puang Matua lako kalemi, moi anna lan peatang maparrang.

1 TIMOTIUS 1:18

Inde sia tu pepasan kupabarakkanangko, e, anakku Timotius, situru’ tu mintu’ pa’nubua’ dipokada dolo diona a’gammu, kumua anna pa’nubua’ iato mupomatoto’ lan kapararian melo.

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

2 TIMOTIUS 1:13

Alai passangkaran dio mai mintu’ kada tongan, tu mangka murangi dio mai kaleku naturu’ kapatonganan sia pa’kaboro’ tete dio Kristus Yesu.

TITUS 1:4

Diparampo lako Titus tu anak tongan-tonganku tete dio kasiduluan kapatonganan. Narampoimoroko pa’kamasean sia kamarampasan dio mai Puang Matua, Ambe’, sia dio mai Kristus Yesu, To pakarimmananta.

IBRANI 13:22

Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.

IBRANI 6:9

Moi angki ma’kada susito, apa iatu diona kamu, e pa’kaboro’ku, kikanassai tu apa mandu melo, sia ma’palulakona kamakarimmanan.

1 PETRUS 5:12

Iate sura’ naoki’ Silwanus tu kusanga siulu’ maruru’ lako kalemi, kunii ussauran kondi’komi, la ma’pakilala sia ungkatottongi, kumua iamote tu pa’kamasean tonganNa Puang Matua. Bantangkomi lan.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

2 PETRUS 2:21

Belanna mandu melo, iake tae’pi natandai tu lalan kamaloloan na iake natandaimi, namemboko’ dio mai atoran masallo’ disoronganni.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

YUDAS 1:17

Apa kamu te, e pa’kaboro’ku, la mikilalai tu apa napokada dolomo mintu’ rasulu’Na Puangta Yesu Kristus;

YUDAS 1:20

Apa kamu te, e pa’kaboro’ku, pabantangi tu kalemi umpoparandangan kapatonganan masallo’mi tongan, ammi massambayang Narondong Penaa Masallo’.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.