YOSUA 9:8 - Sura' Madatu

⁸ Ma’kadami tu tau iato lako Yosua, nakua: Iate kami sola nasang taunna puang. Mekutanami tu Yosua lako, nakua: Mindarokomi sia umbara minii sae?

YOSUA 9:8 ပူးပေါင်းရင်းမြစ်များ

2 DATU 10:5

Mesuami tu pangulu to mase’ponna datu sia kamandang kota sia iatu mai pekaamberan sia to ma’pangada’ lako Yehu, nakua: Iate kamite taummikan, iatu mintu’ parentami kidudung, moi misa’ tau tae’ra kiangka’ datu; apa iatu misanganna melo, pogau’mi.

PA’TOLE 20:11

Iake napebalii meloko sia nabungkarangko babangan, manassa iatu mintu’ pa’tondokan, tu torro lan, la ma’diama lompo dio kalemu sia la umpengkarangangko.

YOSUA 10:6

Pakalan mesuami to Gibeon lako Yosua dio to’ tenda dio Gilgal, nakua: Da misa’biangangkan te kami taummi, sangadinna la rampokomi madomi’ ullendokangkan sia untunduikan, belanna iatu mintu’ datu to Amori tu torro dao lu buntu, sirampunmo la ullaoikan.

YOSUA 9:11

Iamoto nama’kada tu mintu’ pekaamberangki sia mintu’ to lan tondokki lako kaleki, nakua: Baakomi kinallo dio lu lalan ammi male sitammu tu tau iato mai, sia ma’kadakomi lako, kumua: kami te taummi, melo ke sibasseki’.

YOSUA 9:23

Totemo la narampoikomi tampak ropu, la misiosso’i tu la dipokaunan, iamotu to mekayunna sia to meuainna banuanNa Kapenombangku.

YOSUA 9:25

Manassa totemo lanmokan kuasammi; pogau’ bangmi lako kaleki tu misanganna melo sia malolo.

YOSUA 9:27

Allo iato napadadimi Yosua to mekayunna sia to meuainna mintu’ kasirampunan sia inan pemalaranNa PUANG dio to’ inan la Napilei Puang, sae lako allo totemo.