YOSUA 9:3 - Sura' Madatu

³ Apa iatonna rangimi to Gibeon tu apa mangka napogau’ Yosua lako Yerikho sia Ai,

YOSUA 9:3 ပူးပေါင်းရင်းမြစ်များ

2 SAMUEL 2:12

Den pissan tassu’mi tu Abner, anakna Ner, sola surodadunna Ishboset, anakna Saul, dio mai Mahanaim lako Gibeon.

1 OSSORANNA DATU 12:4

Yismaya, to Gibeon, misa’i tu to pa’barani tallungpulo sia kamandangna to tallungpulo; Yeremia, Yehaziel, Yohanan na Yozabad, to Gedera;

2 OSSORANNA DATU 1:3

Malemi tu Salomo sola mintu’ kombongan lako inan madao dinii memala’ dio Gibeon, belanna inde to nanii tu Tenda KasitammuanNa Puang Matua, tu nagaragai Musa, taunNa PUANG, lan padang pangallaran.

YEREMIA 28:1

Iatonna taun iato, iamo tonna tipamulanna kadatuanna Zedekia, datu Yehuda, tonna taun ma’penna’pa’na, bulan ma’pellimanna, ma’kadami tu nabi Hananya, anakna Azur, tu lu dio mai Gibeon lako kaleku, lan banuanNa PUANG dio tingayona mintu’ to minaa sia mintu’ to buda, nakua:

YOSUA 10:1

Narangimi Adoni-Zedek, datu Yerusalem kumua natalomo sia nasabu’i Yosua tu Ai butung pepayu – susitu napogau’ lako Yerikho sola datunna, susi dukamoto napogau’ lako Ai sia datunna – sia mintu’ to Gibeon sikaelomo to Israel natorromo dio lu tu tau iato mai.

YOSUA 10:2

Mataku’ tonganmi tu tau iato, belanna iatu Gibeon kota kapua, susi misa’ kota kadatuan, mandu kapua ia na Ai, sia mintu’ taunna muane lalong nasang.

YOSUA 10:28

Allo ia dukato nataloi Yosua tu kota Makeda, napatei pa’dang tu mintu’ tau lan sia ia duka tu datunna; nasabu’i tu mintu’ issinna sia mintu’ kepenaanna lan butung pepayu, moi misa’ tae’ nalussuran sia nagau’ tu datu Makeda susitu penggauranna lako datu Yerikho.

YOSUA 10:30

Nasorong dukami PUANG tu kota iato sia datunna tama limanna to Israel. Napatei pa’dang tu mintu’ issinna sia mintu’ kepenaanna lan; moi misa’ tae’ nalussuran sia nagau’ tu datunna susitu penggauranna lako datu Yerikho.

YOSUA 11:19

Moi misa’ kota tae’ tu sikaelo to Israel, sangadinna to Hewi, tu umpa’tondokki Gibeon. Mintu’na to natalo nasang lan kapararian.

YOSUA 18:25

Sia Gibeon, Rama, Beerot,

YOSUA 21:17

Sia dio mai suku Benyamin iamotu Gibeon sola padang kariuanna, Geba sola padang kariuanna,

YOSUA 9:17

Belanna iatu to Israel ke’de’, anna rampo lako kotana tonna allo ma’pentallun; iatu kotana tau iato mai iamotu Gibeon Kefira, Beerot na Kiryat-Yearim.

YOSUA 9:22

Mangkato natambaimi Yosua tu tau iato mai, anna ma’kada lako, nakua: Ma’apai ammi pakenakan, mikua: kami te to mambela tongankan, anna torrokomi lan lu alla’ki.

YOSUA 9:4

ma’tangnga’ dukami tu tau iato; ke’de’mi male umbaa kinallo, naban karung masere tu keledainna sia kiriba’ masere tu nanii anggoro’, tu kake sia ditampi’,