YOSUA 9:1 - Sura' Madatu

¹ Iatonna rangimi mintu’ datu, tu torro dio rampe matampu’na Yordan, la daona lu Buntu, la diongna lu Padang Merrantena sia iatu dio biring tasik Kapua sae lako tu sitingoanna Libanon, iamotu to Het, to Amori, to Kanaan, to Feris, to Hewi na to Yebus,

YOSUA 9:1 ပူးပေါင်းရင်းမြစ်များ

2 SAMUEL 24:7

Rampomi tu tau iato mai lako bentengna Tirus sia lako kotana to Hewi sia to Kanaan, anna rampo lako padang rampe lo’na lu dio Bersyeba.

KATASSURAN 23:23

Belanna iatu malaeka’Ku la undoloangko sia la ussolangko tama tondokna to Amori sia to Het sia to Feris sia to Kanaan sia to Hewi sia to Yebus sia Aku la ussanggang nasangi tu tau iato mai.

KATASSURAN 23:31

Iatu lili’ tondokmu la Kukamaseangko randuk dio mai tasik Teberau sae lako tasik to Filistin sia dio mai padang pangallaran sae lako salu Efrat belanna mintu’ tau lan tondok iato la Kusorong tama limammu, ammu rambai tu tau iato mai dio mai tingayomu.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

KATASSURAN 34:11

La mukaritutui tu apa Kupepasanan lako kalemu allo iate. Manassa la Kurambai dio mai tingayomu tu mintu’ to Amori sia to Kanaan sia to Het sia to Feris sia to Hewi sia to Yebus.

KADIBILANGAN 13:29

Iatu Padang lo’na lu nanii ma’tondok to Amalek, iatu padang ma’buntunna nanii ma’tondok to Het, to Yebus sia to Amori, nadio ma’biring tasikna sia dio randan salu Yordan nanii to Kanaan.

KADIBILANGAN 34:6

Sia iatu passaparan padangmi dio rampe matampu’ iamotu tasik kapua sia biring tasik; iamote tu passaparammi dio rampe matampu’.

PA’TOLE 1:7

Ke’de’mokomi ammi male ma’palulako ma’buntunna to Amori sia lako tu to nasikandappiran, lan Araba-Yordan, dao Ma’buntunna, diong, Padang Mengkadiongna, dio Padang lo’na lu sia dio biring tasik, – tondok to Kanaan, sia lako Libanon sae lako salu kapua, iamotu salu Efrat.

PA’TOLE 3:25

Eloranna’ lamban, angku tiroi tu tondok melo, tu sambalinna lu Yordan, tu padang buntu ballo sia Libanon.

PA’TOLE 4:49

sia mintu’ rante, tu sambalinna lu Yordan dio rampe matallo, sia sae lako tasik Araba, diong garonto’ mennaa’na Pisga.

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

YOSUA 1:15

sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

YOSUA 1:4

Randuk dio mai padang pangallaran sia iato Libanon dio, sae lako salu kapua, iamotu salu Efrat, mintu’ lili’na padang to Het, sia sae lako tasik kapua, dio rampe matampu’, mintu’nato nalili’ tondokmi.

YOSUA 10:23

Napogau’mi tau susito, napatassu’i tu datu lima lan mai lo’ko’, nasolanni lako kalena, iamo tu datu Yerusalem, datu Hebron, datu Yarmut, datu Lakhis na datu Eglon.

YOSUA 11:17

randuk dio mai Buntu Karing, tu ma’palulangngan Seir sae lako Baal-Gad diong lombok Libanon, diong garonto’ buntu Hermon. Natalomi tu mintu’ datunna sia napatei.

YOSUA 13:5

sia padang to Gebal sia mintu’ Libanon rampe matallo, randuk dio mai Baal-Gad, tu diong garonto’ buntu Hermon, sae lako batatta lu tama Hamat;

YOSUA 15:12

Iatu anggenna dio rampe matampu’ iamotu tasik Kapua sia biringna. Iamoto tu mintu’ angge padangna to Yehuda tiku lao unturu’ pa’rapuanna.

YOSUA 22:4

Totemo Nakamaseimo karapasan PUANG, Kapenombammi, tu mintu’ siulu’mi, susitu pangallu’Na lako kalemi. Iamoto melo ke malemokomi sule lako to’ tendami, lako tondok mana’mi, tu nabenkomi Musa, taunNa PUANG, sambalinna lu Yordan.

YOSUA 22:7

Na iatu sesena suku Manasye nabenmo Musa taa mana’ dio Basan, sia iatu sangsesenapa nabenmo taa mana’ Yosua sisola tu mai taana siulu’na dio matampu’na Yordan. Iatonna suami Yosua sule tu tau iato mai lako to’ tendana sia napassakkemo,

YOSUA 23:4

Kupamanassamo pa’loterei te bangsa torronapa la napotaa mana’ sukummi randuk dio mai Yordan, – susitu mintu’ bangsa mangka kusabu’i – sae lako tasik Kapua rampe matampu’.

YOSUA 24:11

Mangkato ullambanmokomi Yordan; iatommi rampomo lako Yerikho, sirarimokomi to Yerikho, iamotu to Amori, to Feris, to Kanaan, to Het, to Girgasi, to Hewi na to Yebus, apa Kusorong nasang tu tau iato tama limammi.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

YOSUA 3:17

Apa iatu mintu’ to minaa, tu umbulle patti basseNa PUANG, bendan bantang dio to’ karangkeanna lan tangnga Yordan, anna tongke lamban tu mintu’ to Israel dio to’ karangkeanna sae lako tappunna tu mintu’ bangsa iato ullamban Yordan.

YOSUA 5:1

Iatonna rangimi mintu’ datu to Amori, tu dio rampe matampu’na Yordan sia mintu’ datu to Kanaan dio randan tasik, kumua Napamarangke PUANG tu uai Yordan dio tingayona to Israel sae lako tappunna lamban tu tau iato mai, raangmi penaanna sia pa’de deata, belanna mataku’ lako to Israel.

YOSUA 6:27

Narondongmi PUANG tu Yosua sia kalelean tu sanganna lan lu mintu’ tondok.

YOSUA 9:7

Ma’kadami tu to Israel lako to Hewi, nakua: umbai torroki’ sikandappi’, naumba la takua sibasse?