YOSUA 8:2 - Sura' Madatu

² La mupogau’ lako Ai sia lako datunna, susitu mangka mupogau’ lako Yerikho sola datunna; sangadinna iatu mintu’ pangrampa sia mintu’ sapi sola domba sia bembe’ ma’din miala. Melo ke mupannii ba’tu pira-pira to mangamu’ dio boko’na tu kota iato.

YOSUA 8:2 ပူးပေါင်းရင်းမြစ်များ

2 OSSORANNA DATU 13:13

Nasuami Yerobeam tu ba’tu pira-pira surodadunna ullaoi dio mai boko’, naurungan ta’pa bu’tu dio boko’na tu to palaoan, anna (iatu surodadu senga’) bendan dio tingayona to Yehuda, na iatu to palaoan dio mai boko’ diomo boko’na.

2 OSSORANNA DATU 20:22

Iatonna marasan tu tau iato mai unnarrak-arrak sia umpakendek pa’pudi-pudian, Napatudu-tudumi PUANG tu ba’tu pira-pira to mangamu’ la ullaoi to Amon, to Moab sia to dao mai buntu Seir, tu sae ullaoi to Yehuda, anna ditalo tu tau iato mai.

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

SARAMBU PEADA’ 13:22

Iatu to melo la untampean mana’ lanto mimi’na, apa iatu iananna tokadake gau’na untayan to malambu’.

SARAMBU PEADA’ 28:20

Iatu to manappa’ la sebo kamasakke-sakkeanna, apa minda-minda unnula’ kasugiran, tae’ nasalai tang diukung.

YEREMIA 17:11

Susi manuk lampung unnarranni tangia tallo’na, susi dukamoto tu to urrampun tang malolo ianan; lan kamatangnga – taunna manassa la natampe sia iatu kama’tampakanna la susito baga.

YEREMIA 51:12

Pabendanmi tu bandera la ullaoi tambakukunna Babel, pebudai tu to ma’kampa, pannii to ma’kampa dio lu tu mintu’ inan, pannii dukai to mangodo’; belanna PUANG la umparampo randannai tu tanan penaanNa, iamotu apa mangka Napokada diona to lan tondok Babel.

PA’TOLE 2:35

Sangadinna iatu patuoanna tarampan kaleta, susi duka tu pangrampa lan mai kota, tu mangka taala.

PA’TOLE 20:14

Sangadinna iatu mintu’ baine sia iatu mai pia, patuoan, sia mintu’ ianan lan kota, mintu’na pangrampa iato la murampan kalemu sia iate apa murampa dio mai ualimmu, tu Nabenko PUANG, Kapenombammu, ma’din mupake.

PA’TOLE 3:2

Apa ma’kada tu PUANG lako kaleku Nakua: Da mukataku’i, belanna la Kusorong sola mintu’ to budanna sia tondokna tama kuasammu, ammu pogau’i lako kalena susitu mugauran Sihon, datu to Amori, tu umpa’tondokki Hesbon.

YOSUA 10:1

Narangimi Adoni-Zedek, datu Yerusalem kumua natalomo sia nasabu’i Yosua tu Ai butung pepayu – susitu napogau’ lako Yerikho sola datunna, susi dukamoto napogau’ lako Ai sia datunna – sia mintu’ to Gibeon sikaelomo to Israel natorromo dio lu tu tau iato mai.

YOSUA 10:28

Allo ia dukato nataloi Yosua tu kota Makeda, napatei pa’dang tu mintu’ tau lan sia ia duka tu datunna; nasabu’i tu mintu’ issinna sia mintu’ kepenaanna lan butung pepayu, moi misa’ tae’ nalussuran sia nagau’ tu datu Makeda susitu penggauranna lako datu Yerikho.

YOSUA 11:14

Na iatu mintu’ pangrampa lan mai mintu’ kota iato sia mintu’ sapi sia domba sia bembe’ pada naala to Israel; ia manna tu mai tau pura napatei pa’dang sae lako mangsan nasang, moi misa’ tu kepenaanna tae’ bang napatorro.

YOSUA 6:21

Nasabu’imi pa’dang tu mintu’ apa lan tondok iato, la muane la baine la to mangura la to matua, sae lako mintu’ sapi sia domba sia keledai.

YOSUA 8:12

Naalami tu surodadu agi-agi limangsa’bu nasuai mangamu’ dio kasiallaranna Betel na Ai, rampe matampu’na kota.

YOSUA 8:14

Iatonna tiromi datu Ai, tassu’mi sasa-sasa tu to lan kota tonna tibangka’ masiang untammui to Israel la sirari, la ia la mintu’ taunna lako to’ kasirampunan sitingoan rante; belanna tae’ naissanni kumua den to mangamu’ dipadio boko’ kota.

YOSUA 8:19

Iatonna angka’mi tu doke iato madomi’mi ke’de’ tu tau lan mai to’ pangamuranna, ma’dondo-dondo sae mengkareke’, natama kota tu tau iato, nataloi sia madoi’ naballa.

YOSUA 8:24

Iatonna mangkamo to Israel umpatei tu mintu’ pa’tondokan Ai dio lu padang sia dio lu padang pangallaran, tu nanii unnula’i tu tau iato mai, sia iatonna songka nasangmo nakande pa’dang, namoi misa’ tae’mo tuo, sule nasangmi tu to Israel lako Ai, napatei pa’dang tu mintu’ tau lan.

YOSUA 8:3

Ke’de’mi tu Yosua sola mintu’ surodadu anna male lako Ai. Napileimi Yosua tallungpulo sa’bunna tu surodadu lalong, nasuai tonna mabongi,

YOSUA 8:7

attu iato la tassu’komi lan mai inan pangamurammi, ammi taloi tu kota, belanna PUANG, Kapenombammi, la ussorongi tama limammi.

YOSUA 8:8

Iammi mangkamo untaloi tu kota iato, la miballa; la mipogau’ tu iannato susi kadanNa PUANG; manassa iamote tu pepasanku lako kalemi.

YOSUA 8:9

Mangkato nasuami Yosua male tu tau iato mai lako to’ naninna mangamu’, anna torro dio kasiallaranna Betel na Ai, rampe matampu’na Ai. Apa iatu Yosua torro dio lu to’ to buda to bongi iato.

YOSUA 9:3

Apa iatonna rangimi to Gibeon tu apa mangka napogau’ Yosua lako Yerikho sia Ai,