YOSUA 7:7 - Sura' Madatu

⁷ Ma’kadami Yosua nakua: O Puangki PUANG, ma’apai Misuai te bangsa iate ullambanni Yordan. Mikuaraka kidisorong tama limanna to Amori, kiurunganni sanggang? A’a, melo kengki popa’ga’taran bangmi torro sambalinna lu Yordan!

YOSUA 7:7 ပူးပေါင်းရင်းမြစ်များ

2 DATU 3:10

Attu iato ma’kadami tu datu to Israel nakua: A’a, ma’apai Natambai PUANG te datu tallu la Nasorong tama limanna to Moab?

PA’PUDIAN 116:11

Tongku mataku’ angku ma’kada, kukua: Tang mana’pa’ tu mintu’ tolino.

KATASSURAN 16:3

Ma’kadami tu to Israel lako sola duai, nakua: A’a melo kengki mate Napata’paiora limanNa PUANG dio Mesir tongki untingayoipa kurin nanii duku’ sia ungkande roti sadia’ki, apa misolammokan tama te padang pangallaran la umpamate tangdia’i te kombongan iate.

KATASSURAN 17:3

Indeto dio ma’rang tu to buda la morai unniru’ uai, iamoto anna ma’nuku-nuku lako Musa, nakua: Ma’apai ammi solangkanni tassu’ lan mai tondok Mesir, la mipateirakannika sola mintu’ anakki sia patuoangki, mate ma’rang?

KADIBILANGAN 14:16

Belanna tang Nabelamo tu PUANG ussolanni te bangsa iate tama tondok, tu Naalluranni umpalao sumpa, iamoto Nasanggangi lan lu padang pangallaran.

KADIBILANGAN 14:3

Ma’apai Nala umbaakan PUANG lako tondok iato, angki tibambang nakande pa’dang sia iatu baineki sia anakki la dirampa? Tae’raka namelo, ke sule bangmokan lako Mesir!

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

MATIUS 17:20

Nakuami ungkuanni: Tu belanna mandalle’ pa’patonganmi. Apa tonganna Kukua mati’: iake denni kapatonganammi pada lise’ sawi, ammi kua lako te buntu: Tilengka’ko indete lako, manassa tilengka’; inang tae’ tu tang la dadi dio kalemi.

IBRANI 12:5

Sia tang mikilalaimo diona tu pa’pakilala umpakilalakomi susito umpakilala pia, nakua: E anakku, da mupamaringnganni tu peada’Na Puang, sia da muranggang penaa, ke narampoiko pa’di’;

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

YOSUA 7:8

O Puang, apapara la kupokada namemboko’mo tu to Israel dio mai ualinna?

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

1 SAMUEL 4:3

Iatonna sangsuleammo tu tau lako to’ tendana nakuami mintu’ tu pekaamberan to Israel: Ma’apari te allo iate Napopa’elo’nariki’ PUANG natalo to Filistin? Maikomi tamale unnala patti basseNa PUANG dio mai Silo, anna dio kaleta kumua anna rampananki’ dio mai limanna ualinta.