YOSUA 7:26 - Sura' Madatu

²⁶ Mangkato napabendannimi tau misa’ tombonan batu daona lu, tu tontong sae lako allo iate. Namane PUANG umparapa’i tu kare’dekanna ara’Na. Iamoto nasangai tau tu inan iato lombok Akhor sae lako allo iate.

YOSUA 7:26 ပူးပေါင်းရင်းမြစ်များ

2 SAMUEL 18:17

Naangka’mi tau tu batang rabukna Absalom, napembuanganni rokko misa’ garuang kapua lan pangala’ iato, anna tombonni tu batu daona lu. Mallai nasangmi tu mintu’ to Israel pada sule lako tendana.

2 SAMUEL 21:14

Nalamunmi tu bukunna Saul sia Yonatan, anakna, dio padangna Benyamin dio Zela, lan panglamunanna Kish, ambe’na. Iatonna mangkamo tau umpogau’i susitu mintu’ kadanna datu, maneri Puang Matua ungkaturu-turui sule tu tondok iato.

2 OSSORANNA DATU 29:10

Totemo lanmo penaangku la untanan basse sola PUANG, Kapenombanna to Israel, kumua nasoro’ tu kare’dekanna ara’Na dio mai kaleta.

EZRA 10:14

Melo ke bendanni tu mintu’ pangulunta ussonda mintu’ kombongan; namintu’ tu to lan kotata, tu umpobaine baine senga’, la sae mentingayo lan attu dipamanassa sola mintu’ pekaamberan sia toma’paolai salu dio mai mintu’ kota, sae lako tapatoyangna tu kare’dekanna ara’Na Kapenombanta dionate apa iate.

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

KATASSURAN 32:12

Ma’apai na la ma’kada tu to Mesir kumua: Ia sia Nasolanni tassu’ tu tau iato mai, kumua anna sanggang Napatei dio lu to’ buntu sia Nasabu’i dao mai kuli’na padang? Paradanmi tu kare’dekanna ara’Mi sia penassanni tu kasengkean la Miparampoan taunMi.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YESAYA 65:10

Iatu Saron la panglambaran domba sia iatu lombok Akhor la pa’palengaran sapi, la napomana’ mintu’ taungKu, tu undaka’Na’.

BATING 3:53

Nasabu’ina’ rokko garuang sia natumbuina’ batu.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

HOSEA 2:17

Iake allo iato la sibasseNa’ tu olo’-olo’ dio lu padang napomeloi tau iato mai, sia iatu manuk-manuk dao lu langi’ sia olo’-olo’ mendonglo’ dao kuli’na padang. Attu iato la Kule’to tu pana sia pa’dang sia mintu’ pa’buno lan tondok, angKu patorro marampa’i tu tau iato mai.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

YOËL 2:18

Attu iato Napa’tunduammi PUANG tu tondokNa, sia Nakamasei tu taunNa.

YUNUS 1:15

Naangka’mi tu tau iato mai tu Yunus, nabuangi rokko tasik, anna rapa’ tu tasik.

ZAKHARIA 6:8

Mangkato metambami lako kaleku sia ma’kada Nakua: Manassa iatu malenamo rekke tondok rampe Daanna lu, umparapa’ penaangKu lan tondok rampe Daanna lu.

KADIBILANGAN 25:8

Attu iato undimi naula’ tu muane to Israel, anna lambi’i lan inan kamammaran, anna rokki tu tau sola duai la iatu muane Israel la iatu baine diong to’ banneanna. Attu iato ra’dami tu kasanggangan urrampoi to Israel.

PA’TOLE 13:17

Moi misa’ duka apa tu dipa’pemalii tae’ nama’din le’ke’ dio limammu, kumua Napamerei PUANG tu kare’dekan ara’Na, sia Napa’petiroan tu pa’kamaseanNa lako kalemu, Naka- maseiko sia Napopemba’ka’ko, susitu Naallu’ lako nene’ to dolomu Napa- laoan sumpa.

PA’TOLE 13:18

Ianna susito, muperangii tu gamaranNa PUANG, Kapenombammu, ammu turu’i tu mintu’ pepasanNa, tu kupapassanangko totemo, ke mupogau’i tu apa malolo dio pentiroNa PUANG, Kape- nombammu.

YOSUA 10:27

Iatonna la lambunmo allo, mesuami Yosua umpopengkalaoi tu batang rabukna datu iato dao mai lentong, napembuanganni tau tama lo’ko’, tu nanii membuni; napanniimi ba’tu pira-pira batu kapua tu baba lo’ko’, tu dio siapa sae lako allo iate.

YOSUA 7:24

Mangkato naalami Yosua sia mintu’ to Israel tu Akhan, anakna Zerah, sia iatu salaka sia bayu lamba’ sia bulaan sanglongki’ sia iatu mintu’ anakna muane sia anakna baine, sia mintu’ sapinna sia keledainna sia dombana sia bembe’na sia tendana sia mintu’ tu apa dio kalena, anna baai tau iato mai rokko lombok Akhor.

YOSUA 8:29

Natoke’i tu datu Ai lako misa’ lentong; iatonna la lambunmo allo, mesuami Yosua unnalai tu batang rabukna dio mai lentong, anna pembassananni sikandappi’ to’ babangan kota; mangkato napabendannimi tau misa’ tombonan batu dao, tu dio sia, sae lako allo iate.