YOSUA 7:20 - Sura' Madatu

²⁰ Mebalimi tu Akhan lako Yosua, nakua: Tonganna akumo tu umpogau’ kasalan lako PUANG, Kapenombanna to Israel, belanna susite tu penggaurangku:

YOSUA 7:20 ပူးပေါင်းရင်းမြစ်များ

KADADIAN 42:21

Ta’kala nasipa’kadamo sola nasangi nakua: Manassa kita te sola nasang kasalangki’ lako adinta tu tatiro pu’du’ tu penaanna tonna mengkamase-mase lako kaleta, apa tae’ taperangii, iamoto anna rampoiki’ te kapu’duran.

AYUB 33:27

Pakalan napa’perangiammi lako tolino tu penanianna sia ma’kada nakua: Mangkamo’ kasalan sia umpakelok salunna, apa tae’ angku dipabala’i.

AYUB 7:20

Iake kasalammo’, la kupatumbari tu Puang, To umpenunu bang tolino? Ma’apari Mipapatui bangna’ passandaMi, naurungan kupomagasamo tu kaleku?

PA’PUDIAN 38:18

Belanna madomi’mo’ la tobang, sia iatu kamasussangku dio bangmo tingayoku.

KATASSURAN 10:16

Attu iato natikaraimi Firaun umpopetambai tu Musa sola Harun, nakuami: Kasalammo’ lako PUANG, Kapenombammi, sia lako duka kamu.

KATASSURAN 9:27

Iatonna attu iato napopetambaimi Firaun tu Musa sia Harun, anna ma’kada lako nakua: Tonganna te allo iate kasalammo’; inang malambu’ tu PUANG, apa aku, sola mintu’ taungku to kadake gau’.

KADIBILANGAN 22:34

Ma’kadami tu Bileam lako Malaeka’Na PUANG, nakua: Kasalammo’, belanna tae’ kutandai, kumua Kamu tu bendan dio lalan unneana’, na totemo, iake kadakei dio pentiroMi, melo ke sulemo’.

MATIUS 26:9

Belanna iatu minna’ ma’din dibalukan masuli’, nadipa’kamasean lako to mase-mase.

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

YOSUA 7:19

Ma’kadami tu Yosua lako Akhan, nakua: E anakku, pangke’i tu PUANG, Kapenombanna to Israel, ammu mangaku lako; pokadanna’ tu apa mupogau’, da mubunianna’.

YOSUA 7:21

Belanna kutiro lan to apa dirampa sanglamba’ bayu lamba’ Sinear, lendu’ melona, sia dua ratu’ sikele’ salaka sia sanglongki’ bulaan, tu limangpulo sikele’ magasanna, kukamoraimi, angku alai. Mintu’na to kubuni diong padang lan tangnga-tangnga tendaku sia iatu salakana diongna lu.

1 SAMUEL 15:24

Nakuami Saul lako Samuel: Kasalammo’, belanna kutengkaimo tu parentaNa PUANG sia ia duka tu kadammi, apa mataku’na’i lako mintu’ tau, iamoto angku turu’i tu palakunna tau iato mai.

1 SAMUEL 15:30

Nakuami Saul: Tonganna, kasalammo’, apa totemo kasiri’pa’ dikka’ dio olona mintu’ pekaamberanna bangsaku sia dio tingayona mintu’ to Israel. Maikomi, tasule sola. Angku menomba lako PUANG, Kapenombammi.